Петропавл қаласы «Таза Қазақстан» республикалық акциясына қосылды

«Тазару күні» аясында Петропавл қаласының тұрғындары Мемлекет басшысы Қасым-Жомарт Тоқаевтың бастамасымен қолға алынған ауқымды экологиялық акцияны белсенді түрде қолдады.

Қала тұрғындары, ұйым өкілдері мен еріктілер аулаларды, қоғамдық орындарды, саябақтар мен жағалау аймақтарын тазалау жұмыстарына шықты. Әсіресе аумақтарды тазартуға және тұрғындар арасында экологиялық мәдениетті қалыптастыруға ерекше көңіл бөлінді.

Аталған акция экологиялық жағдайды жақсартуға және табиғатқа ұқыпты қарауды қалыптастыруға бағытталған «Таза Қазақстан» жалпыұлттық жобасының бір бөлігі болып табылады.

Бұл жай ғана сенбілік емес — бұл әрбір азаматтың тазалыққа, тәртіпке және еліміздің болашағына қосқан үлесі.

Петропавл қаласы эстафетаны Айыртау ауданына жолдайды!

Бұл игі бастама өңірлерді біріктіріп, қоршаған ортаны қорғау жолындағы нақты істерге шабыт берсін.