Қаланың құрметті азаматтары

Рауза Әбутәліпқызы Кашенева

1959 жылғы 30 қарашада Солтүстік Қазақстан облысы Петропавл қаласында дүниеге келген.

Р.Ә. Кашенева 1980 жылы Петропавл музыкалық училищесін бітірген. Содан кейін ол Алматы қ. Құрманғазы атындағы Мемлекеттік консерваторияға түсті. Сонымен бірге ол Жамбыл атындағы мемлекеттік филармонияда шығармашылық мансабын бастады. Оқу жылдарында барлық үкіметтік концерттерге, фестивальдерге қатысып, филармония әртістерінің құрамында бұрынғы КСРО мен Қазақстанның облыс орталықтарына гастрольдік сапармен барды. Қазақтың ұлы композиторы М. Төлебаевтың 70 жылдығына арналған концертке, Мәскеу қаласындағы Одақтар үйінің бағаналы залында өткен «Қазақстанның Ресеймен бірігуінің 250 жылдығы» фестиваліне қатысты. Ресейде, Балтық жағалауында, Украинада өткен «Қазақстанның жоғары өнері» фестивальдері мен онкүндіктеріне қатысқаны үшін Үкіметтің алғысын және лауреат атағын алды, 1995 жылы Домский соборындағы ұлы итальяндық органист Артуро Сакеттидің концертіне қатысты.

1998 жылы «Юниор Камер» компаниясының шақыруымен Нидерландыға гастрольдік сапармен барып, 15 жеке концерт берді. Қазылар алқасының мүшесі ретінде Амстердамдағы Белканто фестиваль-байқауына қатысты.

Р.Ә. Кашенева «Philips» компаниясында 74 минутқа созылатын концерті бар диск шығарды.

1999 жылдың желтоқсанында — 2000 жылдың қаңтарында «Миллениум пати» әлемдік бағдарламасы аясында Ридеркер симфониялық оркестрінің Аблассердам қ. 700 жылдығына арналған бірлескен концерттеріне шақырылды. 2000-2001 жылдары 3 диск, тағы 2 лазерлік диск шығарылды. 2001 жылы Нидерланды, Германия бойынша тур өтті.

Р.Ә. Кашенева сыныбының студенттері облыстық, республикалық және халықаралық конкурстарға үнемі қатысады:

2003 жылы К. Байсейітова атындағы республикалық байқауда К. Солопова «Жас үміт» сыйлығының лауреаты атанды;

2005 жылы Екатеринбург қаласында өткен халықаралық вокал олимпиадасында К. Солопова II дәрежелі лауреат атанды;

2006 жылы Санкт-Петербург қаласында өткен халықаралық байқауда Н. Баянов II дәрежелі лауреат атанды;

2008 жылғы Дельфий ойындары — Д. Орлова 2 орын;

2013 жылы Мәскеудегі «Роза ветров» халықаралық байқауы, И. Байқадамов 1 орын, А. Найманбаева — 2 орын, А. Ақаев — 3 орын;

2015 жылы «Salve regina» екінші ашық вокалистер байқауы В. Габидуллина I дәрежелі диплом;

«Сибирь зажигает звезды» байқауында В. Габидуллина 1 дәрежелі лауреатының дипломы, 2016 ж.

2017 жылы К. Кенжетаев және Ш. Байсеков атындағы вокалистер конкурсының 1 дәрежелі Лауреаты, Республикалық Жас орындаушылар конкурсының лауреаты И. Алимұсаев;

2018 ж. Прага қ. «Art – Duo» халықаралық орындаушы музыканттар фестивалі – байқауының гран — при иегері — Д. Таушева, XXXVI республикалық жас орындаушылар байқауында 2 орын А. Ақаев;

Мәскеуде өткен Галина Вишневская атындағы Халықаралық жас орындаушылар байқауының Гран — при иегері И. Морева, 2019 жылы;

«Аманат» халықаралық байқауы, 2 дәрежелі диплом А. Әбиева, Халықаралық байқау – фестиваль лауреаты А. Әбиева — 2 орын;

2020 ж. жас орындаушылардың республикалық конкурсы, III дәрежелі диплом, Астана қ. — Д. Есжан;

2021 ж. «Торонто — 2021» канадалық — украиналық балалар және жасөспірімдер шығармашылығы фестивалі, I дәрежелі лауреат А. Әбиева, «FIESTALONIA GEORGIA» халықаралық жас орындаушылар фестивалі (Грузия), I дәрежелі лауреат А. Әбиеваның дипломы, I дәрежелі «SWEDENS TALENTS» XII Халықаралық фестивалі I дәрежелі лауреат А. Әбиева (Стокгольм қ., Швеция).

Қазақстан Республикасы Президентінің «Республикаға сіңірген еңбегі үшін» Құрмет грамотасымен, Аблассердам қ. Бургомистрінің (Нидерланды), «Юниор камера» компаниясы президентінің алғыс хаттарымен, ҚР Тәуелсіздігінің 10 жылдығына арналған мерейтойлық медалімен, «Ы. Алтынсарин» төс белгісімен марапатталған. 2003 жылы «Мәдениет қайраткері» атағына ие болды. 2007 жылы Мәскеуде кандидаттық диссертациясын қорғады. 2008 жылы «Білім беру үздігі» белгісімен марапатталды; 2010 жылы Рауза Әбутәліпқызы Еуропа ректорларының халықаралық клубына қосылып, оның құрметті мүшесі болды. Бұл Ұлыбританияның Оксфорд қаласында өткен «21 ғасыр көшбасшылары» халықаралық саммитінде болды. Ал 2011 жылы Рауза Әбутәліпқызы бастаған оқу орны «Еуропалық сапа» — еуропалық QUALITY AWARD халықаралық беделді марапатына ие болды. 2012 жылдың желтоқсанында КРЕ және Еуропалық бизнес — Ассамблеяның шақыруымен Венада (Австрия) өткен Халықаралық форумға және рождестволық рыцарьлар балына қатысты. 2012 жылы Халықаралық ғылыми — өнеркәсіп палатасы (Бельгия) алтын медаль мен DE merito дипломын табыс етті. 2014 ж. ҚР Білім және ғылым министрлігінің «Үздік мұғалім» құрмет грамотасы, 2017ж. - 38 республикалық жас орындаушылар байқауының қазылар алқасының мүшесі. Жас мамандарды тәрбиелеудегі еңбегі үшін 2019 жылы (Германия) ЕАЭО «Алтын тәж» орденімен, 2021 жылы - Академиялық Одақтың құрметті профессоры орденімен (Ұлыбритания) марапатталды. Рауза Әбутәліпқызының орындаушылық және педагогикалық тәжірибесі бай.

Р.Ә. Кашенева Оксфорд Академиялық одағының құрметті профессоры, Англия, 2021 ж. «Вокал академиясы» республикалық қауымдастығының мүшесі, 2017 ж. «Жаңа формат» халықаралық білім беру орталығының рецензенті, 2021 ж. «Eva» Еуропа ректорлары клубының мүшесі, 2021 ж. А. Әбиева академиялық вокалдық қауымдастықтың мүшесі, Нұр-Сұлтан 2021 ж.

Кәсіби әдістемелік дайындық және халықаралық деңгейдегі біліктіліктің жоғары деңгейі студенттерге сабақ формаларын өзгерте отырып, вокалдық өнер негіздерін ашуға мүмкіндік береді. Р.Ә. Кашенева педагогикалық шеберлікке ие, оның сабақтары жоғары кәсіби.

Жарияланымдары:

1. «Вокалдық әдістеме негіздері» - қазақ және орыс тілдерінде;
2. Музыкалық терминдердің орыс-итальян сөздігі;
3. Ансамбльмен әдістемелік жұмыстар;
4. Солтүстік Қазақстан фольклоры-ән таңдау;
5. Ән салуда қазақ әріптерінің дұрыс айтылуын қалыптастырудың практикалық дағдылары;
6. Америкадағы 25 күн- П.И. Чайковский (эссе);
7. Қазақ музыкасы тарихындағы дәрігерлер;
8. «Қазақстан кәсіпқойы» журналында 15 жұмыс;
9. «Солтүстік Қазақстан әндері» жинағы;
10. СҚМУ хабаршысында 15 мақала;
11. Облыстық газетте жарияланымдар.

Шығармашылық белсенді ұстаным Р.А. Кашеневаға мамандарды даярлауда жаңа әдістемелік тәсілдерді тауып қана қоймай, сонымен қатар Қазақ ұлттық музыкасының дамуына, тәуелсіз Қазақстанның болашақ мамандарының білімі мен дағдыларын байытуға елеулі үлес қосуға мүмкіндік береді.

 

Қымбат Есмұқанқызы Исманова

1941 жылғы 14 қыркүйекте дүниеге келген.

1965 жылы Алматы педагогикалық институтты үздік аяқтап, бүкіл өмірін отбасы мен қоғамға қызмет етуге арнады. Совет Қайыркешұлы және Бейбіт Қайыркешұлы есімді құрметке лайық және үлгілі екі ұл тәрбиеледі. 45 жылдан астам уақыт бойы ұстаз, аудандық білім бөлімінің әдіскері, Петропавл педагогикалық училищесінің ұстазы мен әдіскері болып қызмет етті. Оқу тәрбие ісіне В.Ф. Шаталовтың, Ю.К. Бабанскийдің, С.Н. Лысенкова мен Шалва Амонашвилидің идеялары мен әдістерін енгізді. Жоғары кәсіби жетістіктері үшін Қымбат Есмұқанқызы Қазақ КСР Ағарту ісінің үздігі, «Еңбек ардагері» медалімен, Қазақ КСР Білім министрлігінің Құрмет грамоталарымен, СҚО әкімінің алғыс хатымен, СҚО Білім басқармасының грамоталарымен марапатталған. 1991 жылдан бастап Петропавл педагогикалық училищесінде жұмыс істей отыра, «Бастауыш білім» мамандығы бойынша қазақ бөлімшесінің ашылуына үлесін қосты, қазақ тіліндегі оқу - әдістемелік құралдардың болмауына байланысты, дәрістер, әдістемелік құралдар мен жинақтардың әзірлеушісі атанып, педагогикалық кадрларды дайындау сапасын арттыруға өзінің елеулі үлесін қосты. Еліміздің әр түрлі салаларында еңбек етіп жүрген жоғары рухани құндылықтары бар адал, өз ісінің шебері атанған бірнеше ұрпақты тәрбиеледі, қазіргі уақытта олар Қымбат Есмұқанқызының сабақтарын ерекше ықыласпен еске алып, оның даналығын, жоғары кәсібилігін атап өтуде. «Азамат келбеті», «Дөңгеленген дүние – ай», «Тоқта, балам! Ойлан, балам» атты бірегей үш кітаптың авторы атанды. Оларды жүздеген отбасы мен қала және облыс кітапханаларына тегін тарту етті. Бұл кітаптар этнопедагогика саласындағы білімнің қайнар көзі болып табылады және ұлттық мектептерде қызмет етіп жүрген педагогтардың оқыту құралы болып, оларға балаларды ұлттық рухта тәрбиелеуге көмегін тигізуде.

Қымбат Есмұқанқызы Исманова Солтүстік Қазақстан облысы мен Петропавл қаласының білім беру жүйесін дамытуға, бейбітшілік пен келісімді нығайту бойынша мемлекеттік саясатты қолдау үшін өңірдегі рухани, адамгершілік құндылықтарды қалыптастыруға зор үлес қосты. Қымбат Есмұқанқызы терең ішкі мәдениет пен үздік адами қасиеттерді үйлестірген рухы мықты адам бола отыра, қоғамдық пікір көшбасшысы мен педагогтар, білім беру мекемелерінің басшылары, мұсылман өкілдері, әсіресе өңірдің жамағаты арасында ерекше беделге ие тұлға ретінде танылды.

Қымбат Есмұқанқызы «Әжелер мектебі» мен СҚО ҚХА Аналар кеңесінің мүшесі ретінде өз жасына қарамастан, қоғамдық қызметке белсенді араласуда, жастарға, ардагерлерге және отбасыларға арналған мазмұнды іс-шаралардың бастамашысы, демеушісі болып табылады. Бұл іс-шаралар қоғамда әрдайым жылы қабылданады. Сонымен қатар, ол қиын өмірлік жағдайға тап болған отбасыларға материалдық және моральдық көмек көрсетеді, белсенді түрде меценаттықпен айналысады. Қымбат Есмұқанқызы өз қаражаты есебінен 20 шағын ауданындағы жаңа мешітті салуға 5 млн. теңге берді.

2023 жылы Қазақстан мұсылмандары Діни басқармасының төрағасы, Қазақстанның Бас муфтиі Наурызбай Қажы өскелең ұрпаққа жоғары рухани тәрбие берудегі еңбегі, адалдығы мен Отанына деген махаббаты, еліміздегі бейбітшілікті нығайтуға қосқан үлесі үшін Қымбат Есмұқанқызына Меккеге Қажылыққа бару үшін сертификат табыс етті.

Қымбат Есмұқанқызы Исманова қаланың гүлденуіне, қазақ тілінің, қазақ халқының мәдениетінің, салт-дәстүрлерінің, этнопедагогиканың сақталуына және дамуына, ұлтаралық келісімді нығайтуға үлесін қосты және қазір де қосып келеді және мыңдаған жерлестерімізге үлгі болып табылады.

 

Александр Анатольевич Азегов

1961 жылғы 29 шілдеде Солтүстік Қазақстан облысы Петропавл қаласында дүниеге келген.

Кәсіптік училищені бітіргеннен кейін 40 жылдан астам уақыт «СевКазЭнерго» АҚ-да З5квт және одан жоғары әуе желілері қызметінің қолмен дәнекерлеу электр газ дәнекерлеушісі болып жұмыс істеп келеді. Үлкен жұмыс тәжірибесі, жоғары кәсіби қасиеттері, өз кәсібіне деген қызығушылығы оған кез-келген қиындықтағы жұмыстарды орындауға мүмкіндік береді. Өзінің кәсібилігі, оны ерекшелендіретін жоғары жұмысқа қабілеттілігі, дауласпайтындығы, стресске төзімділігі секілді жеке қасиеттері үшін ұжымда құрметке ие; аймақтың энергетика саласының басшылығы бірнеше рет көтермелеген.

Александр Анатольевич әскерде қызмет еткен кезінде Ауғанстандағы Кеңес әскерлерінің шектеулі контингентінің құрамында жауынгер-десантшы ретінде әскери қимылдарына қатысты. Қолбасшылық оны жауынгерлік тапсырмаларды үлгілі орындағаны және сонымен бірге көрсеткен жеке батылдығы үшін марапаттаған.

Александр Анатольевич Азегов 1987 жылы құрылған және қазір Қазақстанда және таяу шет елдерде кеңінен танымал «Саланг» әскери - патриоттық клубының негізін қалаушы және тұрақты басшысы ретінде жерлестер арасында лайықты атақ пен құрметке ие. Клубтың өзіндік бірегей тарихы бар, 2000-нан астам тәрбиеленуші батылдық пен патриотизм сабақтарынан өтіп, еліміздің лайықты азаматтарына айналды. Басшының табандылығы мен жауапкершілігі, жастар арасындағы әскери-патриоттық жұмыстың осы түрінің өмірлік қажеттілігі клубтың ұзақ мерзімді және белсенді жұмысының кепілі болып табылады.

Александр Анатольевич қаланың қоғамдық өміріне, әскери-патриоттық іс-шараларды ұйымдастыруға және өткізуге белсенді қатысады, Халықаралық «Еске алу вахтасының» қатысушысы. 1941-1945 жылдардағы Ұлы Отан соғысының алаңдарына пікірлес адамдармен бірге шығып, қаза болған жауынгерлердің қалдықтарын іздеумен айналысады. Ұзақ уақыт бойы Новгород облысына сапарларға қатысқан «Саланговтар» 1,5 мыңнан астам сарбаз қалдықтарын тапты, олардың 30-ға жуығы сәйкестендірілді.

Іздеу жұмыстары негізінде әскери қару-жарақ мұражайы құрылды, ол оқушылардың, ересектердің шынайы қызығушылығын тудырады және жыл сайын толықтырылып отырады.

Азегов Александр Анатольевич өзінің қоғамдық қызметі және жастарды әскери-патриоттық тәрбиелеу ісіне қосқан үлесі үшін Мемлекет басшысы мен Қазақстан Республикасы Қорғаныс Министрінің алғыс хатымен марапатталды.

Ахметов Жасұлан Бауыржанұлы

1952 жылғы 6 наурызда Солтүстік Қазақстан облысы Есіл ауданы Ильинка ауылында дүниеге келген. Целиноград инженерлік-құрылыс институтын «инженер-құрылысшы» мамандығы бойынша, Алматы жоғары партия мектебін «оқытушы-саясаттанушы» мамандығы бойынша бітірген.

1975 жылдан 1995 жыл аралығында құрылыс ұйымының басшысы, қалалық партия комитетінің құрылыс бөлімінің меңгерушісі, Петропавл қ. Куйбышев аудандық партия комитетінің хатшысы, КСРО Су шаруашылығы министрлігінің «Союзцелинвод» тресі басқарушысының орынбасары болып жұмыс істеді.

Көп жылдар бойы партияның қалалық комитетінде жұмыс істеді. Петропавл қаласының құрылысына үлкен үлес қосты. 19 және 20 шағын аудандардың тұрғын үй объектілерінің көпшілігін салуды ұйымдастыруға, Петропавл қаласының балабақшалары мен мектептері, «Универсам» дүкендері, «Океан», ПЗТМ зауытының «Т» корпусы, Калинин атындағы зауытты, Белое ауылындағы жылыжай шаруашылығы, облыстың көптеген су шаруашылығы объектілерін жаңғыртуға тікелей қатысты.

Қаланың қоғамдық және саяси өміріне белсенді қатысады, ҚР Президенті сайлауында Н.Ә. Назарбаевтың қалалық қоғамдық штабын үш рет басқарды, бұл ретте штабтың жұмысы республикадағы ең үздіктердің бірі деп танылды. 2016 жылы Мәжіліс пен жергілікті өкілді органдарға сайлау жөніндегі қалалық штабты, ал 2019 жылы Президенттікке кандидат Қ.К. Тоқаевтың сайлауалды штабын басқарды.

Куйбышев аудандық халық депутаттары Кеңесінің депутаты, Петропавл қалалық халық депутаттары кеңесінің, Петропавл қалалық мәслихатының 5 шақырылымының депутаты болып сайланды.

Депутат кезінде көшелерді, тротуарларды абаттандыру мәселелеріне байланысты сайлаушылардың талаптары бойынша көптеген мәселелерді, сонымен қатар Мир, Шухов, Я. Гашек көшелеріндегі жол төсемін, ескі үйлерді жөндеу мәселелерін шешті.

Ж.Б. Ахметов ҚР Журналистер Одағының мүшесі. Патриоттық және тәрбиелік рөлі бар үш кітап жазды. Полиция қызметінің қоғам алдындағы ашықтығын қамтамасыз ету бойынша ішкі істер органдарымен және халықпен өзара іс-қимыл бойынша белсенді жұмысы үшін Қоғамдық кеңестің мүшесі және ҚР ІІМ төралқасының мүшесі болып сайланды.

«Қазақстан Республикасының Тәуелсіздігіне 20 жыл», «Золотая медаль Ассамблеи народов Казахстана», «Қазақстан Республикасының полициясына 25 жыл» медальдарымен, ҚР ІІМ төрт ведомстволық белгілерімен, ҚР Президентінің Құрмет грамотасымен, ҚР ІІМ Грамотасымен және Құрмет грамотасымен, Н.Ә. Назарбаевтың бес алғыс хатымен, «Нұр Отан» партиясы Орталық аппаратының, ҚР Парламентінің, СҚО және Петропавл қаласы әкімінің грамоталарымен марапатталды.

 

Визеров Сергей Владимирович

1961 жылғы 4 тамызда Солтүстік Қазақстан облысы Петропавл қаласында дүниеге келген. 1980 жылы Солтүстік Қазақстан механикалық техникумын «Өнеркәсіптік және азаматтық құрылыс» мамандығы бойынша аяқтаған. 2014 жылы М.Х. Дулати атындағы Тараз мемлекеттік университетін «Су ресурстары және суды пайдалану» мамандығы бойынша аяқтаған.

1983 жылы әскери қызметті аяқтағаннан кейін Кеңес әскері қатарында Петропавл қаласы су құбыры – канализациялық шаруашылығы басқармасының су құбыры желілерінің шебері лауазымына қабылданды. 1987 жылы су құбыры желілері учаскесінің бастығы болып қызмет атқарды. 2006 жылы канализациялық тазарту құрылымдарының бастығы, өндірістік – техникалық бөлімінің басшысы болып қызмет етті. 2007 жылғы 3 желтоқсаннан бастап «Қызылжар су» ЖШС бас инженері лауазымын атқарды.

Сергей Владимирович Визеров өз еңбек жолын қаланы ауыз сумен жабдықтау – игі ісіне арнады. Сергей Владимирович 35 жыл бойы атқарған барлық лауазымдарындағы жұмысқа адалдығы, жауапкершілігі арқасында Петропавл қаласын кепілдендірілген сумен жабдықтау қамтамасыз етілді. Көптеген апаттық жағдайлар ол су құбыры желілерінің бастығы болған кезде жойылып, қалпына келтірілген. Қайта құрудың және экономиканың құлдырауы, жалақы төлеуде, материал жеткізуде іркілістер, ЖЖМ мен қосалқы бөлшектердің тапшылығы, кадрлардың ауысуы кезінде Сергей Владимирович су құбыршы - таңдаған мамандығына адал болды. Қалада электр энергиясы жүйелі түрде өшетін қиын кездері оның тәжірибесі, білімі, сондай-ақ, жұмсаған күшінің арқасында қалада жүйелі түрде судың берілуі қамтамасыз етілді. Су әркез тоқтаусыз және тәулік бойы берілді.

Сергей Владимирович көп жылдар бойы барлық туындайтын проблемалар мен міндеттерді сәтті шешуде. Соңғы жылдары жеке күшімен және мердігер ұйымдарды тарту арқылы үлкен көлемде жөндеу жұмыстары жүргізіліп, инвестициялық бағдарламаның ауқымды іс-шаралары жүзеге асырылуда. Су құбыры желілеріндегі апат 3 есеге төмендеп, заманауи құрылғы мен технологияларды енгізу есебінен электрмен жабдықтау мәселелерінде маңызды нәтижелерге қол жеткізілді.

Сергей Владимировичтің қалалық басқарманың құрылымдарында, ПИК төрағалары мен қарапайым тұрғындар арасында беделі бар. Қаланың құрылысы мен инженерлік инфрақұрылымын дамыту, өндірістік объектілер мен тұрғын үйлерді қосу мәселелері, сондай-ақ алдағы жобалар мен жұмыс сызбаларына техникалық шарттар «Қызылжар су» ЖШС бас инженері С.В. Визеровпен анықталады және келісіледі.

«Қызылжар су» ЖШС желілер мен құрылғылар жаңартуда, тұтынушылармен қарым-қатынасты жақсартуда жақсы нәтижелерге жетті, осында бас инженер – Сергей Владимирович Визеровтің қосқан үлесі зор. Оның 2017 жылғы су тасқыны кезінде I көтергіш сорғы станциясын судың басуын болдырмаудағы айтарлықтай үлесін атап өту қажет. Қоршау бөгетін салу және басқа да шұғыл шаралар бойынша инженердің уақытылы шешімдер қабылдауы арқасында қала тұрғындарын таза ауыз суымен қамтамасыз ету бойынша іркілістерге жол берілген жоқ.

Қаланы сумен жабдықтау саласындағы 35 жыл бойы атқарған жұмысы – бұл үлкен жауапкершілік, психикалық және физикалық жүкетеме болып табылады, ол Петропавл қаласының кәсіпорындары мен тұрғындары тарапынан құрметке лайық.

Сергей Владимирович Визеров «Ерен еңбегі үшін» 2016 ж. медалімен, «Белсенді қызметі үшін» 2017 ж., Солтүстік Қазақстан облысы әкімінің медалімен және грамотасымен 2016 ж., 2017 ж., Петропавл қаласы әкімінің алғыс хаттарымен 2014 ж., 2017 ж., 2018 ж., марапатталды.

 

Құрманкина Дәмеш Сапарқызы

1969 жылғы 26 қазанда Солтүстік Қазақстан облысы Жамбыл ауданы Жаңажол ауылында дүниеге келген. 1985 жылы П.И. Чайковский атындағы Алматы музыкалық училищені «Хор дирижері» мамандығы бойынша аяқтаған. 1995 жылы Абай атындағы Алматы мемлекеттік университетін «Музыка» мамандығы бойынша аяқтап, хор және вокал оқытушысы біліктілігіне ие болған. 2006 жылдан бастап Солтүстік Қазақстан облыстық филармониясының вокал әншісі.

2009 жылы танымал жерлесіміз, академик, жазушы Ғ. Мүсіреповтің 110 жылдығына арналған «Ғабең сөзі» жеке концертін берді. Дәмеш Құрманкина - өз репертуары бар танымал әнші. Жергілікті композитор Д. Баймұқановтың «Қазағым», К. Салтыковтің «Спой эту песню», Ш. Малдыбаевтың «Привет с моря», С. Сапаралиевичтің «Впереди одна встреча», «Моя деревня», Ш. Абильтаевтің «Ғабең сөзі» әндері көпшілікке танымал. Ол өз репертуарын тұрақты түрде толықтырып, жаңартып отырады, әркез шығармашылық ізденісте болады. Сондай-ақ ол Жезқазған, Семей, Балхаш, Қарағанды, Түмен, Есіл, Заводоуковске, Сургутта жеке концерттерін ұйымдастырды. «Ән шашу» әндерінің альбомы шығарылды, И. Сапарбаевтың «Бақытым» әніне және Ж. Тұрсынбаевтың «Айналайын Қызылжар» әніне бейнебаян түсірілді. Сонымен қатар, Ш. Малдыбаевтың «Впереди одна встреча» әніне бейнебаян түсірілді.

2001 жылы А. Бейсеуовтің атындағы «Сны» халықаралық конкурсының II дәрежелі сыйлықақы лауреаты атанды, 2003 жылы «Ауылым -әнім» республикалық әндер конкурсының жеңімпазы болды. 2005 жылы Е. Хасанғалиевтің жүлдесіне республикалық конкурста 2 орынға ие болды. 2003 жылы Солтүстік Қазақстан облысы әкімінің Құрмет грамотасымен марапатталды, 2009 жылы Қазақстан Республикасы Мәдениет министрінің, Ресей Федерациясы Мәдениет министрінің Құрмет грамоталарымен марапатталды. 2013 жылы Қазақстан Республикасы мәдениет саласында сертификатқа және үздік белгісіне ие болды. Дәмеш Құрманкина «Нұр Отан» партиясының мүшесі болып табылады. 2018 жылы Мағжан Жұмабаевтың 125 жылдығына арналған Кастомондағы (Түркия) концертте ТЮРКСОЙ атынан алғыс хаттармен марапатталды. 2019 жылы кәсіпқойлығы мен адал жұмысы үшін «Солтүстік Қазақстан облысының мәдениет, мұрағаттар және құжаттамалар басқармасының» грамотасымен марапатталды. 2020 жылы облыс әкімінің грамотасымен марапатталды.

Ресей, Қытай, Түркияда және еліміздің қалаларында облыс делегациясының құрамында түрлі концерттерге қатыса отыра, ол қазақстандық ән өнерінің насихатталуына және ілгерілуіне жәрдемдеседі.

 

Сәмиева Бахытжан Мағжанқызы

1995 жылғы 27 қыркүйекте, Солтүстік Қазақстан облысы, Аққайын (Совет) ауданы, Дайындық а. туған, орта мектепті бітіргеннен кейін Ушинский атындағы педагогикалық институтына түсті, оны 1976 жылы бітірді. 2002 жылы Солтүстік Қазақстан облысының Заң академиясын аяқтаған. 1995 жылға дейін білім беру жүйесінде жұмыс істеді, 1995 жылдан 1999 жыл аралығында Алматы қаласындағы Казагропромбанкта жұмыс істеді. 1999 жылдан 2001 жыл аралығында Петропавл қаласында «Жаско» ЖАҚ СҚ филиалының директоры болды. 2001 жылдан Петропавл қаласында «Виктория» АҚ СҚ филиалының директоры болды, ал 2021 жылдың ақпан айында «Виктория» АҚ СҚ Ақмола филиалының директоры болып тағайындалды. 2008 жылдың шілдесінен бастап Солтүстік Қазақстан облысының Іскер әйелдері қауымдастығын басқарып келеді.

Б.М. Сәмиева үкіметтік емес сектордың жұмысына көп жаңалықтар енгізді, бұл оны басқа қоғамдық ұйымдар қатарында ерекшелендіреді. Бүгінгі күні бірқатар идеялардың авторы және бастамашысы. Солтүстік Қазақстан облысындағы 12 жылдық қызметі ішінде Қауымдастық жанданды. Қазіргі кезде оның мүшелері – өмірде, отбасында және бизнесте жетістікке жеткен белсенді әйелдер қауымы, олар өз жетістіктерімен айналасындағы адамдармен бөлісуде. Олардың жоспарлары – Президент саясатының бөлігі. 25 жыл бұрын бұл ұйым басшы, ана және бастысы іскер әйел ретінде әйелдер қауымының көзқарасын ілгерілету үшін мемлекетте гендерлік саясатты жүргізу мақсатында құрылды. Бақытжан Мағжанқызы басқаратын ұйым лайықты беделге және құрметке ие, себебі оның құрамында белсенді, жанашыр және шығармашыл адамдар, нағыз кәсіпқойлар мен патриоттар бар. Жергілікті мемлекеттік органдармен, бизнес-құрылымдармен, БАҚ және ҮЕҰ, оқу орындарымен тығыз әріптестік қарым-қатынастар орнату жетістікке жетуге ықпал етті. Бақытжан Мағжанқызы Сәмиева кәсіпқойлығымен, көшбасшылық қасиеттерімен, мақсаттылығымен, әріптестері арасында құрметке ие болуымен ерекшеленеді. 4 жыл ішінде – СҚО мәслихатының депутаты, СҚО саясаткер әйелдер клубының төрайымы, Қайсар Малғаждаров атындағы Жеке Қайырымдылық қорының атқарушы директоры, СҚО әкімінің гендерлік мәселелер бойынша кеңесшісі, Петропавл қаласы Қоғамдық кеңесінің төрайымы. Б.М. Сәмиева Қазақстанның алты азаматтық форумының жұмысына қатысу үшін Солтүстік Қазақстан облысы атынан делегат, Қазақстан әйелдерінің 1-ші съезінің, Еуразиялық Әйелдер Саммиттерінің, Пекин қаласындағы Глобалды Әйелдер Саммиттерінің, Париждегі Глобалды Әйелдер Саммиттерінің, Дүниежүзілік Ислам форумының, Астаналық экономикалық форумы аясында Халықаралық әйелдер форумының, «Пекин +20» өңірлік шолу бойынша Женева конференциясының, Вашингтон қ. (АҚШ) «Әйелдер – 2020» Глобалды Саммитінің қатысушысы болды.

Бақытжан Мағжанқызы Сәмиева «Қазақстан Республикасының Тәуелсіздігіне 20 жыл» мерейтойлық медальмен 2014 ж., «Қазақстан Конституциясына 20 жыл» мерейтойлық медальмен 2015 ж., «Өңірдің әлеуметтік және қоғамдық өмірінің дамуына, азаматтық қоғамның құрылуына қосқан үлесі үшін» дипломымен 2013 ж., номинация бойынша дипломмен 2010 ж., 2008 жылы ҚР Премьер – Министрінің ҚХР ресми сапары аясында Халықаралық қазақстандық – қытай бизнес – форумының жұмысына белсенді қатысқаны үшін ҚР Премьер – Министрінің және «Атамекен одағы» Қазақстанның Ұлттық экономикалық палатасының дипломымен марапатталды. «Үздік қаржыгер» медалі бар, 2013 ж. 2020 ж. маусымнан бастап «Солтүстік Қазақстан облысы Әйелдер күшінің альянсы» ЗТБ төрайымы болып табылады.

 

Козлов Владимир Иванович

1958 жылы 19 сәуірде дүниеге келді. 1982 жылдан 1985 жыл аралығында Көкшетау мәдени ағарту училищесінде оқыды, мамандығы «Клуб қызметкері, клубтық іс-шаралардың режиссері».

1985 жылдан 1990 жыл аралығында Мәскеу мемлекеттік мәдениет институтының Тамбов филиалында оқыды. Мамандығы: мәдени-ағарту жұмысы.

1993-1995 жылдары Алматы РИПКРК оқыды, «Бизнес және менеджмент» бөлімі, мамандығы «Экономист-менеджер».

1988 жылдан бастап «Мир аттракционов» ЖШС жұмыс істеді. 1988 жылы КСРО ҚК қатарынан мәдениет және демалыс саябағында аттракцион механигі қызметіне келді. Жарты жылдан кейін Облыстық мәдениет бөлімі Мәдениет және демалыс саябағының директоры болып тағайындалды. Қазіргі уақытта лауазымы - «Мир аттракционов» ЖШС құрылтайшысы.

Мәдениет және демалыс саябағында жұмыс істеген кезеңінде ол өз ісін білетін, жігерлі, тапқыр, ұжымды басқара алатын сауатты және жауапты қызметкер ретінде өзін жағымды жағынан көрсетті. Еңбекқор, өзінің тікелей жұмысына жауапкершілікпен қарайды. Кәсіпкер, мақсатқа жету үшін жедел шешім қабылдай алады. Өзінің лауазымдық міндеттерін сапалы орындайды, үлкен жұмыс көлемін орындай алады, оларды орындау нәтижелеріне жауапкершілікпен қарайды. Ұжымда қызметкерлер тарапынан құрметке ие.

Мейірімділік, ықыластық сияқты қасиеттерге ие, бұған соңғы 10 жылда «Мир аттракционов» ЖШС аз қамтылған отбасыларға, аз қамтылған отбасылардан шыққан балаларға және жетім балаларға 30 млн.теңгеден астам сомаға демеушілік көмек көрсетілгені дәлел бола алады.

ҚР департаменттерінің республикалық, облыстық және қалалық маңызы бар грамоталарымен және алғыс хаттарымен бірнеше рет марапатталған.

Өзінің еңбек қызметі үшін:

• Астанаға 10 жыл - мерейтойлық медаль, 2008 ж;
• «Хрустальное колесо – 2006 ж.» халықаралық байқауының жеңімпазы;
• «Мәдениет Қайраткері» атағы (куәлік № 1021), 2006 ж.;
• ҚР Тәуелсіздігіне 20 жыл мерейтойлық медаль, 2011 ж;
• ҚР Конституциясына 20 жыл мерейтойлық медаль, 2015 ж;
• ҚР Тәуелсіздігіне 25 жыл мерейтойлық медаль, 2016 ж;
• КСРО ҚК медальдарымен, грамоталарымен марапатталған;
• ТМД елдері арасында ойын-сауық және демалыс индустриясында «Лучший руководитель», «Хрустальное колесо» 2018 ж., РФ Сочи қ. атағын алды.

Жұмыс атқарған жылдары «Мир аттракционов» ЖШС басшылығы кезінде халықаралық байқауларда бірнеше рет марапаттарға ие болған, 2006 және 2013 жылдары «Хрустальное колесо» РФ Сочи қ.; «Золотой пони» 2014 жыл РФ Мәскеу қаласы, 2015 жылдың жұмыс қорытындысы бойынша «Мир аттракционов» ЖШС ҚР саласының көшбасшысы марапатына ие болды.

 

Афанасьев Павел Васильевич

1975 жылғы 27 наурызда Петропавл қаласында туған. Білім жоғары.

1992-1996 ж.ж. Солтүстік Қазақстан университетінде оқыған, бітіргеннен кейін «Тарих және құқық мұғалімі, шаруашылық құқық бойынша заңгер – маман» мамандығы бойынша үздік диплом алған. Жақсы оқығаны үшін Қазақстан Республикасының Президенті Н.Ә. Назарбаевтың шәкіртақысына ие болған.

1997 жылғы қазаннан 2001 жылғы қаңтар аралығында Ф.М. Достоевский атындағы Омбы Мемлекеттік университетінде «Құқықтану» бөлімшесінде оқыған. Омбы МУ бітіргеннен кейін «Заңгер» біліктілігімен үздік диплом алған.

1998 жылғы желтоқсаннан 2011 жылғы желтоқсанды қоса кезеңде Солтүстік Қазақстан Мемлекеттік университетінің аспирантурасында философия кафедрасында «Дін философиясы» мамандығы бойынша оқыған. Кандидаттық диссертация тақырыбы: «Өлім феноменін философиялық – теологиялық түсіну».

1996 жылдан бастап қазіргі уақытқа дейін мынадай практикалық жұмыс тәжірибесі бар: «Илларионова и К» жеке адвокаттық кеңседе адвокат көмекшісі; Петропавл қаласының және Солтүстік Қазақстан облысының мынадай ірі коммерциялық кәсіпорындарында заңгер: «Қазақстан – Ресей қор үйі» ЖТАҚ, «МСҚК» ЖШС, «Матадор» ЖШС, «Солтүстік Қазақстандық сауда үйі» ЖТАҚ, «Ақ бидай» ЖШС, «Райгаз» ЖШС, ЖК Вагнер П.Д.

«Біздің отбасы» мүгедектердің құқықтарын қорғау жөніндегі Солтүстік Қазақстан облыстық қоғамдық бірлестігінің құқықтық кеңес – заң бөлімін ұйымдастырды және басқарды. Қазақстан Республикасындағы және Орталық Азия елдеріндегі «ЖАН» мүгедектердің құқықтары жөніндегі Азиялық қоғам филиалдары желісі ұйымдастырушыларының бірі болған (Алматы қ. 2001 жылғы 16 сәуірден 27 сәуірді қоса кезеңде «Сорос-Казахстан» қорымен және «ЖАН» мүгедектердің құқықтарын қорғау жөніндегі қоғамдық бірлестікпен өткізілген «Мүгедектерге арналған заң кеңесінің жұмысы және ұйымдастыру тәртібі» тақырыбы бойынша курстарда оқыды).

2-ші (1999-2003 ж.ж.), 3-ші (2003-2007 ж.ж.), 5-ші (2012 - 2016 ж.ж.) және 6-шы (2016-2021 ж.ж.) шақырылымдарының Петропавл қалалық мәслихатының көпжылдық депутаты.

Петропавл ПТШ № 5, Облыстық балалар мен жасөспірімдер шығармашылығы орталығында, Кәсіпкерлік бастаманы қолдау орталығының «Жаңа бастаушы кәсіпкерлер мектебінде», сондай-ақ, «Мастер-центр» УПЦПП жұмыссыздарды қайта оқыту курстарында сабақ беру тәжірибесі бар.

2000-2003 ж.ж. Ф.М. Достоевский атындағы Омбы Мемлекеттік Университетінің Петропавл филиалында Ресей Федерациясының мемлекеттік және конституциялық құқығын, сондай-ақ, Халықаралық бизнес және құқық өңірлік колледжінде шетел мемлекеттерінің конституциялық құқығын оқытқан.

СҚМУ Педагогикалық лицейінде Қазақстан Республикасының мемлекеттік (конституциялық) құқығын және шетел мемлекеттерінің конституциялық құқығын, Көкшетау Гуманитарлық – Экономикалық университетінде «САНА» мемлекеттік емес білім беру мекемесінде ҚР шаруашылық және еңбек құқығын оқытқан.

2001 жылғы қыркүйектен қазіргі уақытқа дейін М. Қозыбаев атындағы Солтүстік Қазақстан Мемлекеттік Университетінің Тарих, Экономика және Құқық факультетінің «Құқықтық пән» кафедрасының аға оқытушысы болып табылады. Мамандығы – Қазақстан Республикасының азаматтық құқығы, азаматтық процессуалдық құқығы, еңбек құқығы, кәсіпкерлік құқығы, халықаралық жеке құқық.

Осы жылдары аталған кафедра мамандарымен және қызметкерлерімен Қазақстан Республикасы экономикасының түрлі салаларында жұмыс істейтін бірнеше мың білікті заңгерлер оқытылып, шығарылған; олардың ішінде - табысты адвокаттар, анықтаушылар, тергеушілер, учаскелік полицейлер, прокурорлар, судьялар, аудандар мен ауылдық округтердің әкімдері.

Көп жылдар бойы «Құқықтану» мамандығының оқытушылары мен студенттері жүргізілетін аккредитациялар, аттестациялар мен оқу жетістіктерін сыртқы бағалау аясында көптеген тексерістер мен тестілеуден өтуде. Осылайша, 2020 және 2021 жылдары М. Қозыбаев атындағы Солтүстік Қазақстан университетінің білім беру бағдарламалары «Құқықтану» мамандығы бойынша «Атамекен» НГТП рейтингінде республика бойынша екінші орынға және түлектерді жұмысқа орналастыру бойынша үшінші орынға ие болды.

Павел Васильевичтің басшылығымен кафедра студенттері 2000 жылдар бойы республикалық заңгерлік олимпиадаларға қатысқан 20 команда ішінде Қазақстанның ең күшті командаларының бестігіне кірген, үлгерімі мен орта балл бойынша әрқашан да бірінші жүлделі орындарға ие болатын.

2002-2004 жылдары проф. А.К. Күзембайұлы мен проф. В.Н. Уваровтың шақыруымен Солтүстік Қазақстан Заң Академиясының мемлекеттік – құқықтық пәндер кафедрасының аға оқытушысы болды; «ҚР Конституциялық құқығын» және «Шет елдердің конституциялық құқығын» оқытқан.

2003 жылғы наурыздан бастап 2005 жылғы қазанды қоса «Адам құқықтары мен заңдылықты сақтау бойынша қазақстандық халықаралық бюро» қоғамдық бірлестігінің Солтүстік Қазақстан облыстық филиалының директоры болып қызмет етті.

«ҚР Мәслихаттары депутаттарының қауымдастығы» РҚБ СҚОФ жанында құрылған «Сайлаушылар мен депутаттар» Солтүстік Қазақстан облыстық саяси клубын басқарды.

2006 ж. қаңтарда Солтүстік Қазақстан облысы Сауда – Өнеркәсіптік палатасы жанындағы третейский сотының судьясы болып сайланды.

2007 жылғы маусымнан бастап қазіргі уақытқа дейін Қазақстан журналистері Одағының мүшесі және Солтүстік Қазақстан облыстық Әдеп жөніндегі кеңесінің және комиссиясының, Қазақстан Республикасы Журналистер Одағының мүшесі.

2008 жылғы қарашадан 2019 жыл аралығында Табиғи монополияларды реттеу және бәсекелестікті қорғау агенттігі Солтүстік Қазақстан облысы бойынша департаментінің жанындағы Сараптамалық кеңестің мүшесі.

2011 жылғы 16 қарашадан 2020 жылғы қараша аралығында проф. «Әділет» демократиялық партиясының Солтүстік Қазақстан облыстық филиалының төрағасы, проф. Нарикбаевтің шақыруымен («Руханият» партиясымен «Әділет» ДП» АҚ бірлестігінен және атауы өзгергеннен кейін (2013 ж. мамыр) «Бірлік» демократиялық партиясы» жаңа саяси ұйымның облыстық филиалын басқарды), 2012 жылғы 16 мамырдан 2013 жылғы 26 сәуірді қоса кезеңде - «Әділет» демократиялық партиясы» ҚБ Орталық комитетінің мүшесі.

2014 жылғы қазаннан бастап «Қазақстандық Заңгерлер одағы» РММ Солтүстік Қазақстан облыстық филиалы облыстық кеңесінің мүшесі

2015-2016 жылдары – Мемлекеттік қызмет және сыбайлас жемқорлыққа қарсы іс-қимыл агенттігі СҚО бойынша департаментінің Қоғамдық кеңестің мүшесі

2016 жылғы ақпаннан 2022 жылғы ақпан аралығында 1-ші және 2-ші шақырылған қалалық Қоғамдық кеңесінің мүшесі, құқықтық мәселелер мен жастар тәжірибесі мәселелері жөніндегі комиссия төрағасы.

2022 жылғы ақпаннан бастап қазіргі уақытқа дейін Солтүстік Қазақстан облысы Қоғамдық кеңесінің мүшесі, әлеуметтік сала, ҮЕҰ өзара әрекет ету, жастар тәжірибесі мәселелері жөніндегі комиссия төрағасы.

2018 жылғы қаңтардан бастап – СҚО Полиция департаменті жанындағы Консультативтік – Кеңесші органның мүшесі.

2018 жылғы шілдеден бастап «СҚО облыстық ауруханасы» ШЖҚ КМК Бақылау кеңесінің мүшесі

2019 жылғы желтоқсаннан бастап қазіргі уақытқа дейін Әдеп жөніндегі уәкіл, М. Қозыбаев атындағы Солтүстік Қазақстан университетінің Әдеп жөніндегі комиссияның төрағасы.

123 ғылыми жарияланымы бар, соның ішінде «Фемида», «Мир закона», «Государственное управление и государственная служба», «Средняя школа СК», «Провинция» журналында және «Заң газетінде»; төрт оқу – әдістемелік құралдың авторы болып табылады. 40 халықаралық және республикалық ғылыми - тәжірибелік конференциялардың қатысушысы.

2000 жылдан бастап қаланың және облыстың баспа басылымдарында тұрғындар үшін заң кеңестерін берумен (500 астам жарияланым) айдарларды жүйелі түрде жүргізеді. Аталған жарияланымдар халықтың заңгерлік мамандығына қызығушылығын арттырады, жастар арасында заңгердің жұмысы мен беделін насихаттайды, ол М. Қозыбаев атындағы СҚМУ «Заңгерлік» мамандығы бойынша 1 курс студенттерінің жыл сайынғы жаппай қабылдануымен расталады (200 – 300 астам студент).

П.В. Афанасьевтің өмірбаяны 2006 және 2012 жылдардағы «Кто есть в Казахстане» және «Имена в истории. Северный Казахстан» кітабында («Северный Казахстан» баспасы, 2014 ж.) бар.

Қазақстандық Заңгерлер Одағы Екінші Съезінің делегаты (2017 ж. Астана қ.) болған. «Адвокаттық қызмет және заңгерлік көмек» ҚР Заңына және Азаматтық процессуалдық кодекске енгізілген өзгерістер мен толықтыруларды әзірлеумен және белсенді түсіндірумен айналысты.

Алматы қаласында ЕҚЫҰ және Адам құқықтары мен заңдылықты сақтау бойынша Қазақстандық Халықаралық бюромен 2003 жылғы 25 ақпаннан 28 ақпан аралығында өткізілген Қазақстанда өлім жазасын алып тастау бойынша ақпаратты компанияны дайындау және түсіндіру бойынша тренинг жұмысына қатысты.

2003 ж. 18 сәуірден 21 сәуір аралығында (Алматы қ.) Орталық Азия елдерінің ЖОО оқытушылары үшін «Сорос – Қазақстан» қорының Орта – Азия ресурстық орталығымен өткізілген «Саяси көшбасшылық және президенттік билік» семинарының жұмысына қатысты.

2003 ж. мамырда Алматы қ. адам құқықтары мен заңдылықты сақтау бойынша қазақстандық халықаралық бюромен бірлесіп Көші-қон жөніндегі халықаралық ұйыммен ұйымдастырылған адамдардың заңсыз сатылуына қарсы күреске арналған семинар жұмысына қатысты.

2003 ж. 6 қыркүйектен 13 қыркүйекті қоса Медзешинде (Польша, Варшава қ.) Ашық Қоғам институтымен және Адам құқықтары жөніндегі Хельсинкий қорымен өткізілген Халықаралық жазғы мектептің тыңдаушысы болды. Сонда 2003 ж. 15-16 қыркүйекте Адам құқықтары жөніндегі Америкааралық институтпен өткізілген «Еркін таңдаулар» семинарының жұмысына қатысты.

2003 жылғы 18-19 қарашада БҰҰ дамыту бағдарламасымен және Әлеуметтік технологиялар және даму агенттігімен ұйымдастырылған «ҮЕҰ сайлау процестеріне қатысуы» тренингіне қатысты.

2010 ж. 17-19 ақпанда Қазақстан Республикасы Президенті жанындағы Мемлекеттік басқару академиясының Мемлекеттік қызметшілерді қайта даярлау және біліктілігін арттыру институтымен және СҚО әкімдігінің Өңірлік мемлекеттік қызметшілерді қайта даярлау және біліктілігін арттыру орталығымен ұйымдастырылған мемлекеттік қызметшілердің біліктілігін арттыру семинарына қатысты.

Еңбек жолы барысында 30 астам біліктілікті арттыру курстарынан өтті.

2016, 2017 және 2018 жылдары П.В. Афанасьев өңіріміздің «Халық заңгері» атанған.

Өзінің көп жылдық қоғамдық және заңгерлік-ағартушылық қызметі кезінде П.В. Афанасьев ҚР Әділет министрлігінің ведомстволық марапаты – «Әділет органдарының дамуына қосқан үлесі үшін» медалімен (2015 ж.), «Қазақстандық Заңгерлер одағы» РҚБ грамотасымен (2017 ж.) және СҚО Әділет департаментінің алғыс хатымен (2017 ж.) марапатталды. Сонымен қатар, ҚР Ішкі істер министрлігінің үш ведомстволық марапаты (медальдар) және ҚР Білім және ғылым министрлігінің Құрмет грамотасы (2016 ж.) бар.

2018 жылы Солтүстік Қазақстан облысы әкімінің Құрмет грамотасымен марапатталған.

2019 жылғы желтоқсанда М. Қозыбаев атындағы Солтүстік Қазақстан университетінің «Академик Манаш Қозыбаев» медалімен марапатталған.

2021 жылғы қаңтарда П.В. Афанасьевке «Қазақстан мәслихаттарының құрметті депутаты» атағы берілген.

2022 жылғы наурызда ҚР Президенті Қ.-Ж.К. Тоқаевтың Жарлығымен «Парасат» орденімен марапатталды (№ 1381).

Петропавл қаласы әкімінің 5 алғыс хаты бар.

 

Ермек Ғаббасұлы Әбдiрiмов

1951 жылғы 2 ақпанда Солтүстiк Қазақстан облысы Булаево ауданында туған.

1975 жылы Целиноград мемлекеттiк медициналық институтын аяқтаған.

1976 жылы интернатураны аяқтағаннан кейiн өз еңбек жолын Солтүстiк Қазақстан облысы Булаев аудандық ауруханасының хирург дәрiгерi лауазымынан бастаған.

1979-1982 жылдары Солтүстiк Қазақстан облысы Булаев аудандық ауруханасының хирургия бөлiмшесiнiң меңгерушiсi болып жұмыс iстедi.

1982-1984 жылдары Мәскеу қ., КСРО МҒА Бүкiлодақтық ғылыми хирургия орталығы клиникалық ординатурада оқыды.

1987 жылы медицина ғылымының кандидаты ғылыми дәрежесiн алуға диссертация қорғады.

1987-1990 жылдары хирург-онколог лауазымында облыстық онкологиялық диспансерде жұмыс iстедi.

1990-1991 жылдары облыстық онкологиялық диспансер емханасының меңгерушiсi болып қызмет атқарған.

1991 жылғы маусымда конкурс қорытындысы бойынша Облыстық онкологиялық диспансердiң бас дәрiгерi болып тағайындалды.

Марапаттары:

«Астана» медалi;

«Алтын дәрiгер» дәрiгерлер қауымдастығының медалi;

2001 ж. «Қазақстан Республикасы денсаулық сақтау iсiнiң үздiгiне»;

2007 ж. Солтүстiк Қазақстан облысы әкiмiнiң I Премия иегерi;

2011 ж. «Денсаулық сақтау iсiне қосқан үлесi үшiн» ҚР Денсаулық сақтау министрлiгiнiң төс белгiсi.

Надежда Антоновна Косыгина

1951 жылы Қарағанды қаласында туған. Қарағанды университетiн «Әлеуметтiк педагог» мамандығы бойынша аяқтаған.

1988 жылдан 1996 жылға дейiн Солтүстiк Қазақстан облыстық филармониясында көркемдiк жетекшi болып қызмет атқарған.

1996 жылы Николай Погодин атындағы Солтүстiк Қазақстан облыстық орыс драма театрына актриса ретiнде жұмысқа шақырылды, ол жерде қазiргi уақытқа дейiн қызмет атқарып келедi.

Н.А. Косыгина жоғары санатты актриса, ҚР еңбек сiңiрген әртiсi, өткен театр маусымдарының қойылымдарына және жаңа қойылымдарға қатысуда.

Қалалық, республикалық және облыстық iс-шараларға белсендi қатысады. Өзiнiң баға жетпес тәжiрибесiмен театрдың жас актерлерiмен бөлiсуде.

Марапаттары:

• «Қазақстан Республикасының еңбек сiңiрген әртiсi» атағы;
• «Құрмет» орденiнiң иегерi;
• ҚР Мәдениет министрлiгiнiң грамотасы;
• Солтүстiк Қазақстан облысы әкiмiнiң I дәрежелi премия иегерi.

Мемлекеттiк және мерейтойлық медальдары бар.

Сайдаш Садықұлы Ғайсин

1933 жылы Батыс Қазақстан облысы Жамбіті ауданы Жамбіті кентінде туған.

1943 жылдан Одесса Қызыл тулы әскери училищесінің тәрбиеленушісі болды.

1945 жылы Орал қаласының музыкалық мектебіне, кейін керней сыныбы бойынша музыкалық училищесіне түсті. Училищені аяқтағаннан кейін оқуын Алматы консерваториясында жалғастырды.

Консерваторияны аяқтағаннан кейін Петропавл қаласына жолданып, музыкалық училищенің ұстазы жұмысына кірісті, онда 2003 жылға дейін оркестр бөлімшесінің меңгерушісі болып істеді. 1961 жылғы мамырда Петропавл музыкалық училищесінің директоры болып тағайындалды. Екі жылдан кейін әкімшілік жұмыстан қайта ұстаздық қызметке оралды.

Музыкалық училищеде істеген кезінде педагогикалық училищенің жанынан үрмелі, симфоникалық, әйелдер үрмелі аспаптар оркестрін құрды. Оның бастамасы бойынша облыстың аудандарында музыкалық мектептер ашылды. Облыс орталығында дарынды балалар мектебін ашуға оның ауылдың талантты балаларының тағдыры, оларға жас таланттардың дамуына мүмкіндік беретін арнайы мектеп-интернат ашу қажеттігі туралы «Жылама, домбыра» деген тамаша мақаласы әсер етті.

Сайдаш Садықұлы барлық ғұмырында қазақ музыкасын насихаттаушы болды және де қазақ музыкалық фольклорының үлгілерін тырнақтап жинады.

Қазіргі уақытта Соғыс және еңбек ардагерлерінің қалалық халық қорының солисі.

Сайдаш Садықұлы «Орта арнайы білім берудегі үздік табысы үшін (1973), «Өнерпаздық өнердегі жетістігі үшін» (1979) белгілерімен, Ұлы қазан революциясына арналған екінші бүкілодақтық халық шығармашылығы фестивалінің лауреаты медалімен (1987), «Тың жерлерді игергені үшін» (1967), ҰОС Жеңістің 40 жылдығына арналған Бүкілодақтық көркемөнерпаздар шығармашылығының лауреаты (1985), «В.И. Лениннің туғанына 100 жыл толуы құрметіне ерлік еңбегі үшін» (1970), «Еңбек ардагері» (1985), «ҰОС жеңісінің 65 жылдығы» (2010) медальдарымен марапатталған.

Виктор Григорьевич Шалаев

1946 жылғы 15 маусымда Ярослав облысы Большесельск ауданы Большое селосында туған.

1968 жылы Горький театр училищесін бітірді. А.П. Чехов атындағы орыс драма театрында, Свердлов драмтеатрында, Волгоград облыстық жылжымалы драма театрында, Самарқан орыс драма театрында, Түмен облыстық драма театрында жұмыс істеген.

1980 жылдан Н. Погодин атындағы Солтүстік Қазақстан облыстық орыс драма театрында жұмыс істейді.

Театрда істеген уақытта өзін жарқын бейнелер жасауға қабілетті кәсіби әртіс ретінде көрсетті. Сахнада «Шоқан Уәлиханов» қойылымындағы Шоқан Уәлиханов, «Антоний және Клеопатра» қойылымындағы Цезарь, «Арбат балалары» қойылымындағы Сталиннің рөлдерін сомдады, оның қоржынында 100-ден аса рөл бар.

Режиссер-қоюшы ретінде әртіс Виктор Шалаев өзін 80-жылдарда көрсете бастады: Лобозеровтың «Бөгде адаммен отбасылық бейне», Маршактың «Үйшік», Ива Жамиактың «Амилькар мырза» және басқа да спектакльдер қойылды.

Барлық қойылған спектакльдер көрермендерге ұнады, 1994 жылы театрдың көркемдік кеңесімен Виктор Григорьевич Шалаев режиссер – қоюшы ретінде аттестаттауға ұсынылды.

2002 жылы В. Шекспирдің «Король Лир» спектаклінде Король Лирді, 2004 жылы Дарио Фоның «Бос жұп» спектаклінде инженер Мамбреттиді ойнады. Виктор Григорьевичтің шығармашылық қызметтегі биік шыңы ДЖ. Колдменнің шығармасы бойынша қойылған «Арыстан қыста» спектакліндегі Король бейнесі болды.

2004 жылы спектакль қою құқығымен көркемдік жетекші қызметіне бекітілді, 2011 жылы режиссер лауазымына ауыстырылды.

Виктор Григорьевич 1986 жылы Қазақ КСР-ің еңбек сіңірген әртісі атағына лайық деп танылды;

XIV Республикалық фестивальда «Мордасовтың түстері» спектаклі (режиссері В.Г. Шалаев) «Ең үздік орындалған классика үшін» номинациясында «Лауреат» атағын жеңіп алды;

Орталық Азия елдерінің ІІ-ші Халықаралық фестивалінде (шығарманың авторы және режиссері В.Г. Шалаев) «Мағжан соты» спектаклі «Қазақстанның тарихи тұлғасын сахналық орындағаны үшін» номинациясында «Лауреат» атағын алды;

Қазақстан Республикасы Тәуелсіздігінің 10 жылдығы, сондай-ақ «Ерен еңбегі үшін медальдарымен марапатталған.

Федор Иванович Кашуба

1943 жылғы 18 тамызда Солтүстік Қазақстан облысы Бескөл ауданы Чапаев селосында туған.

1968 жылы Қарағанды мемлекеттік медициналық институтының емдеу факультетін бітірген, білімі жоғары.

Және де сол уақыттан бастап үзіліссіз үшінші қалалық ауруханада дәрігер анестезиолог – реаниматолог, ал 1969 жылдан бастап анестезиология және реанимация бөлімшесінің меңгерушісі болып жұмыс істейді.

Алғашқы мамандануды 1969 жылы Алматы қаласында өтті. Содан кейін Орталық және Республикалық, Белорус және Новокузнецк институттарының негізінде дәрігерлерді жетілдіру институттарында бірнеше рет өтті, клиникалық кардиология бойынша аралас жетілдіруі бар. Соңғы жетілдіру 2006 жылы Алматы Мемлекеттік дәрігерлерді жетілдіру институтының негізінде.

Ауруханада жұмыс істеген уақытында Федор Иванович өзін жоғары білікті дәрігер, шебер басшы ретінде көрсетті. Ауруханада және облыста анестезиология және реанимация қызметін ұйымдастырушы болып табылады. Анестезиология және реанимация, физиология және патофизиология, фармакология және биохимия, терапия, педиатрия және хирургия саласында жоғары теориялық және практикалық дайындығы бар, операцияға қатысқан, диагностика жасаған кезде ауруды сездірмейтін барлық заманауи әдістерді жетік меңгерген.

Федор Иванович Кашуба ауруханада аурулардың қанын плазмаферез және ультракүлгін сәулесі арқылы емдеу әдісін енгізді.

Жоғары кәсіби шеберлік, ұжымның жұмысын ұйымдастыра білу принципшілдік — оның жұмысындағы басты ерекшеліктерінің бірі, ауруханадағы клиникалық - анатомиялық және ғылыми-практикалық конференциялардың төрағасы болып табылады.

Облыстық перинаталдық орталықты ашқанда анестезиология және реанимация бөлімшесінің ашылуын ұйымдастырды.

Санавиация бойынша білікті көмек көрсетеді, облыстың барлық реанимациялық ауруларына кеңес береді.

Ұзақ жылдар бойы штаттан тыс облыстық анестезиолог-реаниматолог болып табылады.

1985 жылы оған жоғары білікті анестезиолог – реаниматолог дәрігер санаты берілді, ол тұрақты жұмыс істейтін сертификат берумен бірнеше қайтара расталды;

1990 жылы «Денсаулық сақтаудың үздігі» атағы берілді.

Шарғия Жұманғалиқызы Мұқышева

1953 жылғы 18 шілдеде Петропавл қаласында туған.

Еңбек жолын 1971 жылы бастауыш сыныптың мұғалімі болып бастады. 1989 жылы оған қазақ тілінде оқытылатын бірінші сыныптың балаларын оқыту сенілді.

1994 жылы қазақ тілінде оқытатын мектептердің ашылуына байланысты Петропавл қаласы білім бөлімінің қазақ тілі әдіскері лауазымына тағайындалды. Әдіскер ретінде оқушыларды қазақ тіліне оқыту жөнінде оқу-әдістемелік құрал әзірледі. Ол ҚР Білім және ғылым министрлігімен мектептерде қолдануға рұқсат етілген 3 сыныпқа арналған «Қазақ тілі» оқулығының бірлескен авторы. Қала тұрғындары арасында қазақ тілінде оқытуды насихаттауға белсенді қатысты, оның басшылығымен ана тілінде оқытатын № 6 орта мектеп және қалалық классикалық гимназия ашылды.

1999 жылы № 18 мектептің (аль-Фараби мектеп-лицейі) ашылуына байланысты директор болып тағайындалды. Кейін Петропавл қаласы қорғаншылық және қамқоршылық бөлімінің бастығы болып қалалық білім бөліміне ауыстырылды.

2000 жылдан қазіргі уақытқа дейін Шарғия Жұманғалиқызы «№20 орта мектеп» КМК директоры болып істейді. Оның басшылығымен ұжымда педагогикалық шеберлік деңгейлерін арттыру бойынша педагогикалық технологиялар іздестіріліп, жұмыста табысты пайдаланылады. 2000 жылдан бастап мектеп М.М. Жанпейісованың модульдік оқыту технологиясы жұмыс істеді, 2003-2010 жылдары Оқу процесіне «Өзін - өзі тану» пәнін енгізу бойынша эксперименттік алаң болды. Пәндерді заманауи деңгейде сапалы оқыту мақсатында № 20 орта мектептің ұстаздары «Оқу шексіз» (Канада) Заманауи Педагогика орталығында дистанциялық оқудан өтуде.

«Өзін-өзі тану» пәнін мектеп бағдарламасына енгізуге байланысты Шарғия Жұманғалиқызы педагогикалық кадрлар даярлау жөніндегі «Өрлеу» АҚ жетекшісі болып табылады.

Ол «Нұр Отан» ХДП жанындағы «Солтүстік Қазақстан облысының іскер әйелдер ассоциациясы» ҚБ белсенді мүшесі және Саясаткер әйелдер клубының мүшесі болып табылады.

Шарғия Жұманғалиқызы:

1992 жылы — «Қазақстан Республикасының білім үздігі белгісі,

1996 жылы — Қазақстан Республикасы Білім және ғылым министрлігінің Құрмет грамотасымен, қалалық білім бөлімінің Құрмет грамотасымен марапатталды.

2005 жылы — «Көп жылдық және ерлік еңбегі, облыстың әлеуметтік-экономикалық дамуына қосқан үлесі үшін және ұлттық мереке — Тәуелсіздік мерекесіне байланысты Солтүстік Қазақстан облысының әкімі Т. Мансұровтың грамотасы.

2009 жылы мемлекеттік тілді енгізуге сіңірген еңбегі үшін «Мемлекеттік тілді дамытуға және мемлекеттік тіл саясатын насихаттауға қосқан айтарлықтай үлесі үшін және «Қазақстан Республикасындағы тіл туралы» Қазақстан Республикасының Заңын қабылдау және Халықаралық «Қазақ тілі» қоғамының құрылуының 20 жылдығына байланысты Солтүстік Қазақстан облысының әкімі С.С. Біләловтің Құрмет грамотасымен марапатталды.

2012 жылы — Ы. Алтынсарин кеуде белгісі.

2012 жылы — «Ғылым және білім номинациясында «Ажар» Қазақстан әйелдерінің жетістіктерін қоғамдық мойындау ұлттық сыйлығы» республикалық конкурсының Бірінші Солтүстік Қазақстан облыстық турының лауреаты.

Маргарита Евгеньевна Мукашева

1986 жылы туған, білімі жоғары, М. Қозыбаев атындағы Солтүстік Қазақстан мемлекеттік университетінің дене тәрбиесі және спорт факультетін бітірді, Қазақстан Республикасының халықаралық санаттағы спорт шебері.

Маргарита Евгеньевна орталық спорттық әскерлер клубында қызмет етеді, Қазақстан Республикасының жеңіл атлетикадан ұлттық құрама командасының құрамына кіреді, әлеуеті жоғары, ең беделді заманауи турнирларға қатысуда табысты тәжірибесі бар.

Қазақстан Республикасы, Қырғызстан және Ресей Федерациясының, халықаралық және республикалық жарыстардың бірнеше дүркін жүлдегері және чемпионы болып табылады. Ол Азия Ойындарының екі дүркін чемпионы, төрт Азия чемпионатының жүлдегері, «Азия жұлдыздары» халықаралық жарыстарының чемпионы, қорытындысы бойынша 2012 жылғы әлемнің он үздік атлеттерінің қатарына енген Лондон Олимпиадасы Ойындарының қатысушысы.

М.Е. Мукашеваның Қазан қаласындағы 2013 жылғы XXVII Жазғы Дүние жүзілік Универсиададағы жеңісі ерекше маңызды, онда ол 800 метр қашықтыққа жүгіруден ұлттық рекорд жасады.

М.Е. Мукашева қатты мінезді, қажырлы және жеңіске деген жігері бар, жоғары дене күші жүктемесіне төзімді, өзінің спорттық қалпын жылдан жылға арттыратын қайратты, ер жүрек, мақсатты спортшы.

Маргарита Евгеньевна шынайы, тіл табыса білетін, қайырымды адам. Оның жауапкершілігі, міндетін сезіну, жоғары азаматтық белсенділігі әріптестері, спортшылар, жұртшылық арасында құрмет тудырды.

Леонтьев Сергей Геннадьевич

1965 жылы туған. Темір жол училищесін бітірген соң Петропавл локомотив депосында электровоз машинисінің көмекшісі, әскерден кейін С.М. Киров атындағы зауытта слесарь, инженер-электромонтер болды.

1995 жылдан жеке бизнеспен айналысуда. Осы уақыт ішінде ол көппрофильді кәсіпорынның басшысына дейін өсті. «Фирма Леонтьев» ЖШС-нің өнімдері еліміздің және Ресейдің тұрғындарына жақсы таныс. Кәсіпорын шығаратын өнімдер сапалығымен ерекшеленеді. Ол өзінің кәсіби шеберлігі мен білімін жетілдіруге үнемі көңіл бөліп отырады. М.Қозыбаев атындағы Солтүстік Қазақстан мемлекеттік университетінде экономист мамандығы бойынша сырттай оқып жүр.

Сергей Геннадьевич қоғамдық жұмыстардың бел ортасында жүреді. Екі шақырылымда Петропавл қалалық мәслихатының депутаты болды. Биыл облыстық мәслихаттың депутаты болып сайланды. Ол қаланың шет аймақтары — Бензострой, Жұмысшы кенттері тұрғындарының мәселелерін шешуге күш салады. Бензострой кентінде үш қабатты монша — тұрмыстық қызмет кешенін салуда. Онда базар, шаштараз, дәріхана және т.б. қызмет түрлері болады. Бүгіндері «Аквапарк» су спорттық-көңіл көтеру кешенінің құрылысы аяқталуға жуық. Мұндай кешен еліміздің басқа өңірлерінде жоқ. Сайлау науқанында ол Қазақстан Республикасының Президенті Н.Ә. Назарбаевтың сенім көрсетілген тұлғасы болды.

С. Г. Леонтьев «Құрмет» орденімен, «Қазақстан Конституциясына 10 жыл», «Қазақстан Республикасының Тәуелсіздігіне 20 жыл» мерекелік медальдарымен, республика Президентінің Алғыс хатымен екі рет, облыс және қала әкімдерінің Құрмет грамотасымен, Алғыс хатымен марапатталған.

Бауыржан Ниязұлы Құлжанов

1953 жылы туған, Омбы дене тәрбиесі мемлекеттік институтының жаттықтырушылар мектебін, Ресей кеден академиясын бітірген, қазақ күресінен Қазақстан Республикасының чемпионы.

1980 жылдан Солтүстік Қазақстан облыстық комсомол комитетінің спорттық-бұқаралық жұмыс бөлімінің меңгерушісі болды. Балалар арасында «Былғары доп», «Алтын шайба» жарыстарын өткізді. Облысымызда «Ақ бидай», «Солтүстік» ауыл-село спортшыларының мерекесін ұйымдастырушылардың бірі. 1990 жылдан «Динамо» ерікті спорт қоғамын басқарды. Бүгіндері облыстық күрес федерациясына жетекшілік етеді. Облыстық спорт ардагерлері кеңесі басқармасының мүшесі, қысқы Азия ойындарының алауын ұстау құрметіне ие болды.

Бауыржан Ниязұлы Қазақстан Республикасының бірнеше дүркін чемпионы. Қажымұқан Мұңайтпасов, Жазылбек Қуанышбаев атындағы жүлделердің иегері. Біздің облысымызда қазақша күрестен тұңғыш спорт шебері. Өңірімізде спортты, саламатты өмір салтын насихаттауға белсене қатысады. Спорт қайраткері және облысымыздағы кеден қызметінің бірінші бастығы ретінде есімі Солтүстік Қазақстан облысының энциклопедиясына жазылған.

Кручина Сергей Иванович

1959 жылы туған. Петропавл педагогика институтының дене тәрбиесі факультетін бітірген. Велоспорттан КСРО спорт шебері, Қазақстан Республикасының еңбек сіңірген жаттықтырушысы.

Еңбек жолын «Еңбек резервтері» Бүкілодақтық ерікті спорт қоғамы облыстық кеңесінің велоспорт жөніндегі жаттықтырушы-оқытушысы болып бастады. Әскердегі қызметтен кейін Бескөл аудандық, облыстық спорт комитеті балалар-жасөспірімдер спорт мектептерінде, «Динамо» облыстық кеңесінде велоспорттан жаттықтырушы, велосипед спорты бойынша арнаулы олимпиадалық резервтің балалар-жасөспірімдер спорт мектебінде, аға жаттықтырушы-оқытушы болды. Қазір облыстық жоғары спорттық шеберлік мектебінде велосипед спорты бойынша, аға жаттықтырушы-оқытушы болып істейді.

Сергей Кручина Қазақстан Республикасының еңбек сіңірген спорт шебері, 2000 жылғы олимпиадалық ойындардың күміс жүлдегері, белгілі велошабандоз Александр Винокуровтың бірінші жаттықтырушысы. Ол Қазақстан Республикасының 10 спорт шеберін, 3 халықаралық дәрежедегі спорт шеберін даярлады. Оның шәкірттерінің ішінде КСРО біріншілігінің қола жүлдегері В.Сизиков, КСРО оқушылар арасындағы спартакиада чемпионы А.Мартынович, Азия ойындарының күміс жүлдегері А.Надобенко бар. Оның басшылығымен велоспорттан облыстың құрама командасы еліміздегі үздіктердің бірі болуда, халықаралық жарыстарда табысты өнер көрсетуде. Ол әріптестері, спортшылар арасында үлкен беделге ие. Саламатты өмір салтын ұстайды, балық аулаумен, шаңғы тебумен айналысады.

Равиль Хасанович Рязапов

Равиль Хасанович Рязапов 1948 жылғы 23 сәуірде Петропавл қаласында туған. Ұлты — татар. Білімі жоғары, С.М. Киров атындағы Омбы ауылшаруашылық институты, 1974 ж., жеміс-көкөніс шаруашылығының ғалым агрономы.

Жұмыс орны, лауазымы — Мұсылман қауымы басқармасының төрағасы және «Дін-Мұхаммед» мешітінің имамы.

Марапаттары — 1990 ж., еңбек сіңірген агроном, 1997 ж. оқу үздігі, 2000 ж. Қаланың құрметті азаматы, М. Қозыбаев атындағы СҚМУ биология профессоры 2000 ж.

11.1963–01.1965 — Петропавл Ет консервілеу комбинатының жұмысшысы.

02.1965–06.1965 — Петропавл қ. Куйбышев атындағы зауыттың жұмысшысы.

06.1965–11.1971 — Петропавл Ет консервілеу комбинатының көгалдандыру шебері.

11.1973–04.1974 — Петропавл қ. оранжереясының жұмысшысы.

04.1974–01.1983 — Петропавл қ. оранжереясының агрономы.

01.1983–06.1991 — Петропавл қ. оранжереясының аға агрономы.

06.1991–05.1998 — Петропавл қ. «Евразия» АҚ сәулеттендіру жөніндегі учаскесі оранжереясының жетекші агрономы.

05.1998–12.2009 — Петропавл қ. «Табиғат балалары» экологиялық орталығының директоры.

12.2009–2012 — Петропавл қ. «Қызылжар оранжереясы» МКҚК директоры.

Степан Федорович Башкиров

Степан Федорович Башкиров 1925 жылғы 20 қарашада Солтүстік Қазақстан облысы қазіргі Шал ақын атындағы ауданы Новопаловка селосында туған.

Соғыс және еңбек ардагері, ҚазССР еңбек сіңірген машина жасаушысы. ВЦСПС сыйлығының лауреаты. Ұлы Отан соғысына қатысушы. Петропавл қаласының құрметті азаматы. 40 жылдан астам Петропавл атқару механизмдері зауытында жұмыс істеген. Өндіріс шебері, жастар тәлімгері, белсенді қоғамшыл. Облыста жыл сайын Ресей мен Қазақстанның ойыншылары қатысатын шахмат-дойбы турнирлері өткізіледі.

2000 жылы Мәскеу қаласындағы Қызыл алаңда Жеңіс парадына қатысқан. Ленин, Қызыл жұлдыз, 1-ші дәрежелі Отан соғысы, Еңбек Қызыл Ту ордендерімен марапатталған.

 

 

 

 

Григорий Васильевич Кухарь

1938 жылы туған, Қарағанды политехникалық институтын инженер-экономист мамандығы бойынша бітірген.

Кеңес армиясы қатарында азаматтық борышын өтеген соң 1961 жылы Петропавл қаласына комсомолдық жолдамамен келген. Ширек ғасырға жуық «Уралнефтегазстрой» тресі СМУ-4 дәнекерлеушісі, құрылыс комитетінің төрағасы, басқарма бастығының орынбасары, бастығы, одақтық бағыныстағы ірі кәсіпорындар — «Спецводопроводсельстрой», «Союзцелинвод» трестері басқарушысының орынбасары болып істеді.

1984–1993 жылдары Петропавл қалалық атқару комитеті төрағасының бірінші орынбасары, қала әкімшілігінің басшысы болды. Одан кейінгі екі жылда «СевКазглавснаб» басқармасының бастығы, «Союзцелинвод» тресі басқарушысының бірінші орынбасары, басқарушысы қызметтерін атқарды.

Григорий Васильевич еліміздің солтүстік облыстары тұрғындарын сумен қамтамасыз ету ісіне үлес қосты. Есіл және Булаев топтық су құбырын салуға қатысты. «Союзцелинвод» тресі әлемдегі ең ұзын су құбырын тарту арқылы Гиннестің рекордтар кітабына кірді.

Ол құрметті демалыста болса да, қоғамдық жұмыстардан қол үзген жоқ. «Нұр Отан» ХДП облыстық, қалалық филиалдары төрағасының бірінші орынбасары болды. Қазір қалалық ардагерлер кеңесінің төрағасы. «Еңбектегі ерлігі үшін», «Тың және тыңайған жерлерді игергені үшін», «Астана» медальдарымен, Қазақстан халқы Ассамблеясының «Бірлік» алтын медалімен марапатталған.

Анатолий Иванович Мишин

Мишин Анотолий Иванович 1940 жылғы 2 тамызда РФ, Белгород облысында дүниеге келген.

Білімі — жоғары, Омбы теміржол көлігі инженерлері институты, 1982–1988 жылдар.

Анотолий Иванович 1962 жылдан бастап Тұрмыстық радиоаппаратураларды жөндеу кәсіпорнында оқушы, радио-механик, бас инженер болып істеген, ал 1966 жылы «Облбытрадиотехника» кәсіпорнының директоры болды, оны 32 жыл бойы басқарды. Осы жылдар ішінде күшті материалдық-техникалық база құрылып, тұрмыстық радиоаппаратураларды жөндейтін 700-ден аса радиомеханик дайындалды, олар күні бүгінге дейін жұмыс істеуде.

Халыққа қызмет көрсету жұмысын жақсы ұйымдастырғаны үшін 1982 жылы Анотолий Иванович басқарған «Облбытрадиотехника» кәсіпорны КСРО Министрлер Кеңесі, КОКП ОК ауыспалы Қызыл туымен марапатталды.

Анотолий Иванович — ел Президенті Н. Назарбаевтың үш алғыс хатымен, белсенді депутаттық жұмысы үшін Парламент Сенатының Құрмет грамотасымен марапатталған, сондай-ақ «Құрмет белгісі» ордені, медальдары бар, «КСРО құрметті радисті» атағын алып жүр. Анотолий Ивановичке Қазақстан Республикасы Парламентінің 10 жылдығына шығарылған күміс Естелік белгі, сондай-ақ Қазақстан Республикасы Конституциясының 10 жылдығы», Қазақстан Республикасы Конституциясының 20 жылдығы», «Еңбек ардагері» медальдары тапсырылды және облыс әкімінің Құрмет грамотасымен марапатталды.

Арынды жігер, адам сүйгіш және жоғары азаматтық жауапкершілік адамы, ол өмір бойы белсенді қоғамдық жұмыспен айналысады. Сегіз рет әр кезде шақырылған қалалық халық депутаттары кеңесіне депутат және Петропавл қалалық мәслихатының депутаты болып сайланды (1–4 шақыру), барлығы 28 жыл.

Әрқашан қала тұрғындарының мүдделерін қорғап, оларға керекті мәселелерді шешуде көмектесті. Өзінің барлық депутаттық қызметінде әрдайым халық денсаулығы және оны әлеуметтік қорғау, экономика және білім бюджеті мәселелері жөніндегі депутаттық комиссияларды басқарды:

• АРЭМ департаменті сараптау комиссиясының мүшесі бола тұра, қолданыстағы жылу, газ, жарық, суға тарифтердің төмендеуіне қол жеткізді. Нәтиже — Солтүстік өңірде қолданыстағы ең төмен тариф.
• отбасыларына (азаматтарға) тұрғын үйді ұстауға коммуналдық қызмет төлемі мен күрделі жөндеу жүргізуге тұрғын үй көмегінің қолданыстағы ережелеріне өзгерістер енгізу және басқаларға бастамашы болды.

«Нұр Отан» ХДП облыстық филиалының Бюро мүшесі, 4-ші шақырылған Петропавл қалалық «Нұр Отан» ХДП фракциясының төрағасы. Белсенді депутаттық қызметі үшін наградалары бар.

Бейбіт Мұқышқызы Мұстафина

1947 жылы туған, Қарағанды медицина институтын тамамдаған.

Еңбек жолын Петропавл қаласындағы авиаотрядтың денсаулық сақтау пунктінің меңгерушісі болып бастады. 1981–1990 жылдары облыстық аурухана бас дәрігерінің орынбасары, одан кейінгі бес жылда облыстың бас терапеві болды. Ол үш жыл республикалық міндетті медициналық сақтандыру қорының облыстық бөлімшесін, екі жыл медициналық қызметтерге төлем жөніндегі орталықты басқарды. 2001–2010 жылдары «№ 2 қалалық аурухана» КМҚК-ның бас дәрігері қызметін атқарды.

Іскер ұйымдастырушы, бастамашыл және талап қойғыш басшы ретінде тұрғындарға медициналық көмек көрсетудің сапасын арттыруға үлес қосты. Оның басшылығымен № 2 қалалық ауруханада жаңа кардиологиялық бөлімше ашылып, облыс орталығында сырқаттардың жүрегіне ота жасау жолға қойылды.

Бейбіт Мұқышқызы облыстық, қалалық мәслихаттардың депутаты болып, қоғамдық жұмыстарға белсене қатысты. Ол 2009 жылы «Жыл адамы» атағын алды. «Нұр Отан» ХДП қалалық филиалы саяси кеңесінің мүшесі, облыс дәрігерлері қауымдастығының төрайымы. «Шапағат» медалімен, «Парламентке 10 жыл», «Қазақстан Республикасының Тәуелсіздігіне 20 жыл» мерекелік медальдарымен, Құрмет грамоталарымен, Қазақстан Республикасы Президентінің Алғыс хатымен марапатталған. Қазақстан Республикасы денсаулық сақтау ісінің үздігі.

Александр Егорович Липовой

Александр Егорович Липовой 1928 жылғы 20 мамырда Ресей Брянск облысы Гордеевский ауданы Стругов-Буда селосында туған.

Партия және қоғам қайраткері, Қазақстан Республикасының еңбек сіңірген энергетигі. 1949 жылы Читадағы энергетикалық темір жол көлігі техникумын, 1961 жылы Томск темір жол көлігі инженерлерінің электр техникалық институтын аяқтаған. Еңбек жолын 1949 жылы Петропавл қаласында темір жол бөлімінде бастаған. 1969–1976 жылдары Солтүстік Қазақстан облысы Петропавл электр желілері кәсіпорынында істеген.

1974–76 Петропавл қалалық атқарушы комитетінде, 1976–1980 — облыстық атқарушы комитетінің 1-ші орынбасары, 1980–1988 — Петропавл қалалық комитетінің 1-ші хатшысы. Үш Еңбек Қызыл Ту орденімен, «Құрмет белгісі» орденімен, медальдармен марапатталған.