«СҚО-ДА ЕКІ ЖАҢАРТЫЛҒАН МӘДЕНИЕТ ҮЙІ АШЫЛДЫ»

Бүгін Сергеевка қаласында күрделі жөндеуден кейін жаңартылған Мәдениет үйі ашылды.

Ашылу салтанатына Солтүстік Қазақстан облысының әкімі Ғауез Нұрмұхамбетов, «Қазақстан халқына» қоры басқармасының төрайымы Ләззат Шыңғысбаева және Қазақстан Республикасы Мәдениет және ақпарат министрлігі Мәдениет комитетінің өкілі Досбол Әбдірейісов қатысты.

Мәдениет үйі заманауи техникалық құралдармен, қажетті жабдықтармен және жиһазбен қамтамасыз етілді. Тұрғындардың шығармашылықпен айналысуына, мәдени іс-шаралар өткізуге және бос уақытын мазмұнды ұйымдастыруға қолайлы жағдай жасалды.

Бір күн бұрын Тайынша ауданының Теңдік ауылында да жаңартылған Мәдениет үйі ашылды. Екі нысанды жаңғырту Қазақстан Республикасы Мәдениет және ақпарат министрлігі мен «Қазақстан халқына» қорының «QH Мәдени даму алаңы» бірлескен жобасы аясында жүзеге асырылды. Солтүстік Қазақстан облысы елімізде аталған жоба мәдениет нысандарында жүзеге асырылған алғашқы өңір болды.