1890-1894 жж. (Архит.)
Алтынсарин көшесi 203 мекен-жайында орналасқан.
Ғимарат 1890 жылдан 1894 жылға дейiн Петропавлдық көпес С.И. Хлебниковтың қаржысына салынған. Ашылуы 1894 жылы болды.
Кей деректер мен құжаттарда бұл шiркеу Кладбищенкий және Старокладбищенский деп аталған.
Ғимарат территориясында шiркеуге қызмет еткен дiни адамдарға тиесiлi қабiр плитасы бар.
Бұл есткерткiш — жоспары бойынша айқастырылып жасалған күрделi конфигурациялы кiрпiш ғимарат. Үш бөлiктен тұрады: трапездiк, негiзгi бөлiгi және алтарь. Шатыр күмбезi кiрпiштен жасалып, сырты темiрмен қапталған. Ғимараттың қосымша элементi бұл — сыртқы жақтаушадағы үшбұрыштарда орналасқан кiшiгiрiм бес мұнара. Шiркеуге кiрер территорияда кiрпiштен жасалған үш арка тәрiздес қақпа орналасқан. Территория темiр қоршаумен қоршалған.
Ғимарат Петропавлдың революцияға дейiнгi дiни сәулет өнерiнiң есткерткiшi болып табылады. Ол ХIХ ғасырдың соңына тән көпестiк қаланың тарихи нұсқасы iспеттес қаланың тарихи-мәдени мұрасы болып есептеледi.
Материалдар Солтүстiк Қазақстан облыстық тарихи-өлкетану мұражайының, Солтүстiк Қазақстан облысы әкiмдiгiнiң мәдениет басқармасының тарихи-мәдени мұраны қорғау бөлiмi, Солтүстiк Қазақстан облыстық әкiмдiгiнiң және Қазақстан Республикасы Әдiлет Министрлiгiнiң Тiркеу қызметi комиссиясының Солтүстiк Қазақстан облысы бойынша орталығының қорында сақталған.