Қала құрылысы және сәулет өнерi ескерткiшi алғашқы электр станциясы ғимараты (электр желiлерi ғимараты), 19 ғасырдың соңы.
Екi және бiр қабаттан тұратын, бiр-бiрiне қосылған кiрпiштi ғимарат. Екiқабатты ғимараттың терезелерi тiкбұрышты жақтауларымен, қыр жағындағы кiре-берiсi кiрпiшпен қаланған. Қабат аралық ернеу ғиааратты екi тең емес көлденең бөлiкке бөлiп тұрады. Ғимараттың бiрқабатты бөлiгi арқалық терезе ойықтары бар, төрт қырлы тiреулермен қоршалған. Шатыры темiрден, екi еңiстi. Ғимарат шет аймақтық көпес қаласының тарихи жоспарының үлгiсiндегi 19 ғ. соңы-20 ғ. басына тән қала орталығының өнеркәсiптiк құрылыстарын салуға арналған жоспарлы кешенi. Облыстық әкiмшiлiк басшысының 23.03.1994 ж. №60 қаулысымен күзетке алынды.