Қызылжарлық мешiтi қала құрылысы және сәулет өнерiнiң ескерткiшi (2005 жыл).
Мешiт сары күйдiрiлген кiрпiштен жасалған. Құрылыс 2001 жылы «Севгражданпроект» жобасы бойынша 465 млн. теңге көлемiнде қайырылымдылық салым қаржысына, сонымен қатар Бiрiккен араб әмiрлiктерi ханзадасының 2,9 млн. доллар көлемiнде ақшалай көмек беруiнен басталды.
Мешiттiң үш қабатты ғимараты, негiзiнде, сегiз қырлы жұлдызды еске түсiредi. Ғимараттың негiзгi пiшiнiне қанық көк түстi бiр үлкен және төрт кiшкентай жартылай сфера тәрiздi күмбез кiредi. Негiзгi күмбездiң биiктiгi 28 метр, ал мешiттi сәндейтiн екi минарет 42 метрден.
Сыйымдылығы — 750 адам. Оқу сыныптары мен кiтапхана бар.