ХIХ ғасырдың соңы (Сәулет өнерi).
Бөкетов көшесi, 1 мекенжайы бойынша орналасқан.
Алғашқы сауда үйi қырық төрт көпес дүкендерiмен ойқалада орналасты, ол жерде қалалық базар орналасты. Өрттен кейiн 1849 жылы қаланың тау жақ бөлiгiне жаңа сауда үйiнiң құрылысы туралы шешiм қабылданды. 1873 жылғы Ресей империясының географиялық-статистикалық сөздiкте П.П. Семенов: «Сауда үйi сауда өлшемiне сәйкес емес, сондықтан жаңа сауда үйiн салу керек» деп жазды. Жаңа сауда үйiнiң құрылысы ХIХ ғасырдың 80-шi жылдары басталды деп есептеуге болады. Сауда үйiне жақын көк базар орналасты. Құрылыс қалалық Думаның және Басқарманың қаражатына жүргiзiлдi, жергiлiктi көпестер iшiнара қаржыландырды. Екiншi қабат қонақтар уақытша тұруға арналған. Бiрiншi қабатта сауда үйiнiң қызметтiк ғимараттары және дүкен орналасты. Бiраз уақыт бiрiншi қабатта «Товарищества братьев Овсянниковых и А. Ганьшина с сыновьями» мата дүкенi болды. Кеңес билiгi жылдары бұл ғимаратта әртүрлi мекемелер болды. ХХ ғ. 80-90-шы жылдары бұл жерде онкологиялық диспансер орналасты.
Ескерткiш басқа мемлекеттермен сауда-экономикалық қарым-қатынасты сипаттайды, Қазақстанның солтүстiк қақпасы болып табылатын Петропавл қаласының географиялық жағдайын ерекше атап көрсетедi.