1874 жыл, 1916 жыл (Сәулет)
Көпес Д.И. Смолиннiң үйi, 1874 жылы салынған. Iшкi аулада орналасқан қоймалар ұн және арақ-шарап көтерме сауда жасау орны болды. 1916 жылы негiзгi ғимаратқа қосылып Сiбiр сауда-өндiрiстiк банкiсiнiң бөлiмi салынады. Негiзгi ғимараттарға шаруашылық аумақтарын көбейту үшiн бiрнеше қосындылар жалғанған. Осылай бiрнеше бөлек ғимараттар қосылып бiр бүтiнге айналған. Негiзгi ғимарат қабырғалары (1874 жылы салынған) аз күйдiрiлген сапасы нашар кiрпiштен қаланған. Сондықтан 2002 жылға қарай негiзгi ғимарат апаттылық жағдайға ұшырап, бұзылып тасталды. Негiзгi ғимараттың сәулеттiк стилiнде кешiрек салынған қалған қалған корпустар қалпына келтiрiлiп шаруашылық-коммерциялық iсте қолданылады.
1919 жылдың қарашасында бұл ғимараттарда Петропавл қаласын колчактардан босатқан М.Н. Тухачевский басқарған 5-шi Қызыл Армияның штабы орналасты. Армия құрамында әлемге есiмi белгiлi чех жазушысы Ярослав Гашек болды. Кеңес кезiнде бұл ғимараттарда ГПТУ-25 оқу-өндiрiстiк корпустары орналасты.
Ғимарат шет аймақтық көпес қаласының тарихи жоспарының үлгiсiндегi
ХIХ ғ. — ХХ ғ. басына тән сауда және iс жүргiзуге арналған жоспарлы кiрпiш кешенi және ол қаланың орта бөлiгiндегi сәулет мұрасы.