Қазақстан Конституциясы көшесi 10-үй бойынша орналасқан.
Ғимарат 1895 жылы салынған. 1917 жылына дейiн ғимаратта көпес В.И. Черемисиновтың — қала басқармасының төрағасы — мануфактуралық дүкенi орналасқан. В.И. Черемисиновқа үй оның әкесiнiң бауыры көпес С.И. Хлебниковтан мұра бойынша берiлген.
Сауда ғимараты жоспарда тiкбұрышты формада және үлкен терезе ойықтарымен берiлген. Қасбетi кiрпiштерден қаланған пилястрлармен, аяқталған капителдермен, парапеттiк элементтермен безендiрiлген және сыланған. Ғимараттың орталық бөлiгiндегiшатырдың куполдық соңы ерекше қызығушылық сезiмiн тудырады, ол iшкi интерьерде мүлде көрiнбейдi, және, шамасы, тек декоративтiк мақсатта ғана қолданылған. Төбесi металл арқалыққа тiрелетiн цилиндрлiк жиынтық түрiнде орындалған.
Ғимарат қаланың архитектуралық мұрасы болып табылады және iскерлiк және саудаға бағытталған жоспарлық кешендi кiрпiштен салынған құрылысты бiлдiредi, XIX ғасыр үшiн сипатты провинциалдық көпестiк қаланың тарихи жоспарламалы үлгiсi болып табылады.
Материалдары Солтүстiк Қазақстан облысының тарихи-өлкетану музейiнiң қорында, Солтүстiк Қазақстан облысының мәдениет басқармасының тарихи-мәдениет қорын сақтау бөлiмiнде, Солтүстiк Қазақстан облысы әкiмдiгiнде, Петропавл қаласының әкiмдiгi және Қазақстан Республикасының әдiлет Министрлiгiнiң тiркеу қызметi Комитетiнiң Солтүстiк Қазақстан облысы бойынша жылжымайтын мүлiк орталығында сақталады.
Ғимарат Петропавл қалалық исполкомның шешiмiмен қорғауға алынған (18.03.82 ж. № 115).
Әдебиет: Өлкетанушы Н.Н. Молотковтың жеке архивiнен
М.А. Морозов Петропавл революцияға дейiнгi әдебиет көздерiнде. — Л., 1991.
М.А. Морозов Петропавл — Қазақстанның солтүстiк қақпасы. — Омск, 1993.
Солтүстiк Қазақстан облысы. Энциклопедия. Алматы 2004 с. 393, 435-437