Сәбит Мұқановтың бюсті

С. Мұқанов (1900-1973 жылдар) — заманауи қазақ әдебиетiнiң негiзiн қалаушылардың бiрi. «Ботагөз», «Сырдария» романдарының, «Өмiр мектебi» атты автобиографиялық трилогияның авторы. Республиканың әдебиетi iсiнiң ұйымдастырушысы. Әдебиеттiң тарихын және теориясын, XVIII ғасыр — XX ғасырдың басындағы қазақ әдебиетiн, қазақ прозаиктерi мен ақындары — С. Сейфуллиннiң, М. Әуэзовтың, Т. Жароковтың, А. Тәжiбаевтың, халық ақындарының шығармашылығын зерттеген. Көп жылдар бойы Шоқан Уәлихановтың және Абай Құнанбаевтың ғылыми мен әдеби мұрасын зерттеумен айналысқан. Ол ұлы қазақ ақыны Жамбыл Жабаевтың өмiрi мен шығармашылығы туралы алғашқы жүйелi мазмұндаманы жазған.

Республикамыздың жазушысы және қоғам қайраткерi С. Мұкановтың бюсi (1990 ж.) С. Мұқанов атындағы Солтүстiк Қазақстан облыстық әмбебап ғылыми кiтапханасының ғимараты алдындағы саябақта орналасқан.

Алғашқыда бюст С. Мұқановтың 90 жылдығына орай Мұқанов пен Мир көшелерiнiң қиылысында орнатылған едi. Жазушының 100 жылдығына орай ескерткiш кiтапхана ғимаратының алдына көшiрiлдi.

Ескерткiш Петропавл қаласының көркемдiк-сәулет бейнесiнiң бiр бөлiгi және монументалды өнер үлгiсi болып табылады.