Әкiм мәдениет және кiтапхана жүйесi қызметкерлерiмен кездестi

Аудан басшысы Жанат Сәдуақасов ауданның мәдениет саласы мен ауылдық кiтапханалар қызметiнiң кейбiр мәселелерiн талқылап, Қызылжар ауданының кiтапхана жүйесiн дамыту жөнiндегi ұсыныстарды тыңдау үшiн мәдениет қызметкерлерiмен кездестi.

— Биыл бiз Тәуелсiздiктiң 30 жылдық мерейтойын атап өтудемiз. Ұлттық құндылықтар, мәдениет пен әдебиет-халқымыздың рухани тiрегi. Сiздер бай мұра — өнер мен мәдениет — бiздiң бостандығымыздың басты символы, бүгiнгi ұрпаққа жету үшiн еңбектенесiздер, — деп атап өттi аудан әкiмi.

Жанат Сәдуақасов ауылдық клубтар мен кiтапханалардың жұмысына тоқталып, олардың ауылдағы идеологиялық, ағартушылық және мәдени-бос уақыт функцияларын орындайтын жалғыз мәдениет орталығы екенiн атап өттi.

Аудан әкiмi мәдениет саласына үлкен бюджеттiк құймалар жасалғанын атап өттi. Үш жыл iшiнде 6 ауылдық клуб жөнделдi, 3 мәдени-сауықтыру орталығы ашылды, Ұлы Отан соғысына қатысушыларға арналған барлық 45 ескерткiш жөнделдi, 30 этно-мәдени орталыққа костюмдер сатып алынды, "Газель" автокөлiгi сатып алынды. Ауыл клубтарын жөндеу жұмыстары жалғасуда. Ағымдағы жылдың соңына дейiн Петерфельд және Вознесенка ауылдарында халықтың бос уақытын өткiзу үшiн ауылдық клубтар ашу жоспарлануда.

Кездесу ауылдық округ әкiмдерiн, ауылдық клубтар мен кiтапханаларды ZOOM-ға қосу арқылы бейресми жағдайда өттi. Аудандық мәдениет, тiлдердi дамыту және дене шынықтыру бөлiмiнiң басшысы, ауылдық округтер кiтапханалары мен мәдениет үйлерiнiң меңгерушiлерi мiнберден атқарылған жұмыстар, жетiстiктерi, проблемалары мен жоспарлары туралы баяндамалар жасады. Ұсынылған кейбiр мәселелер, ұсыныстар бiрден шешiмiн тапты. Басқалары одан әрi жұмыс iстеу үшiн аудан басшысының бақылауына алынды.

Кездесу соңында Жанат Ғаббасұлы жоғары кәсiбилiгi, Қызылжар ауданының мәдени өмiрi мен кiтапхана iсiнiң дамуына қосқан шығармашылық үлесi үшiн шын жүректен алғысын бiлдiрiп, Құрмет грамоталары мен Алғыс хаттарын табыс еттi.

Аталмыш iс-шарада барлық санитарлық нормалар сақталған