Қызылжар ауданының әкімі Бескөл ауылдық округінің жаңа әкімін таныстырды

2026 жылғы 1 шілдеде Қызылжар ауданының әкімі Бейбіт Қайыркешұлы Исманов Бескөл ауылдық округінің жаңадан сайланған әкімі Бауыржан Әміржанұлы Мусинді таныстырды.

Кездесуді ашқан аудан әкімі қатысушыларды Қазақстан Республикасының жаңа Конституциясының заңды күшіне енуімен құттықтап, бұл тарихи құжат мемлекеттілікті одан әрі нығайтуға, демократиялық институттарды дамытуға және азаматтардың өмір сүру сапасын арттыруға жаңа мүмкіндіктер ашатынын атап өтті.

Іс-шара барысында Қызылжар аудандық сайлау комиссиясының төрағасы Сара Төлеубергенқызы Алдаева Бескөл ауылдық округі әкімінің тікелей сайлауының қорытындыларын жариялады. Дауыс беруге қатысқан Бескөл ауылы тұрғындарының басым бөлігі Бауыржан Әміржанұлы Мусинге дауыс берді.

Бауыржан Әміржанұлы 1980 жылы Солтүстік Қазақстан облысы Сергеев ауданының Ақсу ауылында дүниеге келген. «Дене шынықтыру және спорт» және «Қаржы» мамандықтары бойынша екі жоғары білімі бар.

Еңбек жолын 2001 жылы Бескөл орта мектебінде мұғалім болып бастады. 2007 жылдан бастап мемлекеттік қызметте. Әр жылдары Петропавл қаласының аумақтық инспекциясында бас маман, инспектор, ұйымдастыру-бақылау және кадр жұмысы бөлімінің бастығы, Мамлютка қаласы ауданы әкімі аппаратының басшысы, Қызылжар ауданы Прибрежный ауылдық округінің әкімі, Қызылжар ауданы әкімі аппаратының ұйымдастыру-инспекторлық жұмыс бөлімінің басшысы қызметтерін атқарды. Бескөл ауылдық округінің әкімі болып сайланғанға дейін Қызылжар ауданы Бескөл ауылындағы аудандық пошта байланысы басқармасының бастығы қызметін атқарды.

Аудан әкімі Бауыржан Әміржанұлын сайлануымен құттықтап, жауапты қызметіне табыс, жемісті еңбек тіледі. Сондай-ақ оның кәсіби тәжірибесі мен білімі Бескөл ауылдық округінің одан әрі дамуына және тұрғындардың әл-ауқатын арттыруға өз үлесін қосатынына сенім білдірді.