Қызылжар ауданының тұрғындарының тікелей сайлауы нәтижесінде аудан әкімі қызметіне сайланған Б.Қ. Исманов 12 тамызда өз міндеттерін ресми түрде орындауға кірісті.
Бейбіт Исманов 1971 жылы туған. Еңбек жолын 1988 жылы "Облагропромстрой "ПМК-76"өндірістік бірлестігінде жұмысшы болып бастаған. Мемлекеттік қызметте 2002 жылдан бастап жұмыс істейді. Осы уақыт ішінде Петропавл, Айыртау және Қызылжар аудандарының жергілікті атқарушы органдарында түрлі лауазымдарда қызмет атқарды.
Аудан әкімі болып сайланғанға дейін Қызылжар ауданы әкімінің орынбасары қызметін атқарды.
Кандидат "AMANAT" партиясының аудандық филиалынан ұсынылды .