Бүгін, 24 шілдеде, мобильді фронт-офис Аққайың ауданының Смирново ауылында кәсіпкерлермен кездесті

Кездесу барысында кәсіпкерлерге «Іскер аймақ» және «Ауыл аманаты» бағдарламалары аясында қолданыстағы мемлекеттік қолдау шаралары таныстырылып, қаржыландыру және бизнесті дамыту мәселелері бойынша жеке консультациялар өткізілді, сондай-ақ жобаларды іске асыру орындарына барып танысу жұмыстары жүргізілді.

Мобильді фронт-офис жұмысына кәсіпкерлік және индустриялық-инновациялық даму басқармасының, «Даму» қорының, екінші деңгейдегі банктердің және әлеуметтік-кәсіпкерлік корпорацияның өкілдері қатысты.

Мобильді фронт-офистің кәсіпкерлермен келесі кездесуі Мағжан Жұмабаев ауданында өтеді.