Солтүстік Қазақстан облысы Жамбыл ауданында «Агротехника-Жамбыл» ЖШС-ның жаңа сүт-тауар фермасы іске қосылды
«Агротехника-Жамбыл» ЖШС 2004 жылы Солтүстік Қазақстан облысының Жамбыл ауданында құрылған. Компания өз қызметін өсімдік шаруашылығын дамытуға басымдық бере отырып, шағын, бірақ өршіл шаруашылық ретінде бастады. Құрылған күннен бастап кәсіпорын басшылығы үш негізгі құндылыққа негізделген стратегияны айқындады: кәсіби команда, технологиялық даму және ұзақ мерзімді жоспарлау.
Тиімді басқарудың, жер қорын кеңейтудің және техникаға инвестиция салудың арқасында компания тұрақты егін және тұрақты өсімді қамтамасыз ететін мықты жем-шөп және ресурс базасын қалыптастырды. Келесі он жыл ішінде кәсіпорынның ауыл шаруашылығы алқаптары 27 мың гектарға дейін ұлғайып, оның 18 мың гектары егістікке айналды. Машина-трактор паркінің бірізді жаңартылуы, заманауи технологиялардың қолданылуы және сапалы тұқымдардың енгізілуі өнімділікті арттыруға және сенімді ауыл шаруашылығы өнімін өндіруші ретіндегі беделін нығайтуға мүмкіндік берді.
2015 жылға қарай «Агротехника-Жамбыл» ЖШС ангус тұқымды асыл тұқымды малға басымдық бере отырып, етті мал шаруашылығын дамытуды бастады. Бұл стратегиялық қадам өз племядросын қалыптастыруға, экономикалық тұрақтылықты арттыруға және жаңа нарықтарға шығуға жол ашты. Мал шаруашылығы бағытында қоражайлар жаңғыртылды, жем-шөп базасы жақсартылды, ветеринарлық және селекциялық жұмыстар күшейтілді, бұл кәсіпорынды әрі қарай трансформациялаудың негізін қалады.
Компания тарихындағы бетбұрыс кезең 2024 жыл болды. Сүтті мал шаруашылығын дамыту туралы шешім қабылданып, 800 бас ірі қараға арналған заманауи сүт-тауар фермасының құрылысы басталды. Жалпы инвестиция көлемі 2,6 млрд теңгені құрап, оның 800 млн теңгесі мал мен жабдық сатып алуға несие ретінде тартылды. 400 басқа арналған құрылыстың бірінші кезеңі толық аяқталды: сиыр қорасы, төлдеу бөлімі мен бұзаухана, сауу-мал қабылдау блогы, жем дайындау цехы, силос шұңқырлары және қосалқы ғимараттар салынды. Сауу жабдығы — гректің Milkplan S.A. компаниясының «Параллель 2×18» жүйесі, ол сүт сауудың жоғары сапасы мен тұрақтылығын қамтамасыз етеді. Қазан айының соңында Даниядан алғашқы 200 голштин сиыры жеткізілді, сондай-ақ жеткілікті көлемде сенаж бен силос дайындалды. Толық қуатына шыққан кезде ферма жылына 3 мың тоннаға дейін сүт өндіреді және оны жергілікті өңдеу зауыттарына тапсырады.
2021 жылдан бастап «Агротехника-Жамбыл» ЖШС мемлекеттік бизнесті қолдау бағдарламаларына белсенді қатысып келеді, айналым қаражатын толықтыру және жаңа бағыттарды іске асыру үшін қаржы тартады. 2024 жылғы қазанда кәсіпорын «Даму» қоры желісі бойынша «Бірыңғай кешенді бағдарлама» аясында «Фридом Банк Қазақстан» АҚ арқылы жылдық ақырғы мөлшерлемесі 8–10% аралығында қаржыландыру алды. Бұл сүт-тауар фермасының құрылысын тиімді шарттармен бастауға мүмкіндік берді.
Жобаның екінші кезеңі тағы 400 басқа арналған сиыр қорасын салуды, қосымша силос шұңқырларын, жабдық сатып алуды және шамамен 100 нетель алуды, сондай-ақ шаруашылық техника паркын өз қаражаты есебінен кеңейтуді қамтиды. Екінші кезеңді аяқтау 2026 жылдың маусымына жоспарланған. Фермаға су жеткізуді қамтамасыз ету үшін «Бизнестің жол картасы» бағдарламасын пайдалану көзделуде. Мемлекеттік қолдау тетіктерінің, стратегиялық көзқарастың және заманауи технологияларды жүйелі енгізудің арқасында компания әрі қарай кеңею мен дамудың негізін қалыптастырып келеді.
Жаңа сүт кешені «Агротехника-Жамбыл» ЖШС-ның тұрақты, көпсалалы және бәсекеге қабілетті аграрлық құрылым ретінде қалыптасуындағы маңызды кезең болып табылады және Солтүстік Қазақстан облысының азық-түлік қауіпсіздігі мен экономикасына елеулі үлес қосады.
Байланыс:
СҚО, Жамбыл ауданы, Преснов ауылдық округі, Пресновка ауылы, Московский түпкі к-сі, 9
Тел.: +7 705 890 90 90