Қазақстанда медициналық ұйымдарға тіркеу науқаны 1 қарашаға дейін өтіп жатқанын естеріңізге саламыз

Қызметті eGov.kz порталы және eGov Mobile арқылы алуға болады.

eGov Mobile қосымшасында қызметті алу нұсқаулығымен видеода танысуға болады.

Қызметті eGov.kz порталында пайдалану үшін:

• eGov.kz порталында авторизациядан өтіп, «Азаматтарға» – «Денсаулық сақтау» бөліміне өту қажет;
• «Медициналық көмек» — «Поликлиникаға тіркелу»қызметін таңдап, қажетті деректерді енгізу қажет;
• қызметті қолжетімді қол қою әдістерінің бірімен растау қажет;
• өтінімнің өңделу мәртебесін «Қызметтер тарихы» бөлімінен қадағалауға болады.

Науқаннан тыс уақытта да поликлиниканы ауыстыруға болады. Бұл басқа елді мекенге қоныс аударғанда, жұмыс немесе оқу орнын ауыстырғанда, сондай-ақ поликлиника қайта ұйымдастырылған немесе жабылған жағдайда мүмкін. Мұндай жағдайда қызметті жылына бір рет қолдануға болады.