Сыбайлас жемқорлық құқық бұзушылықтардың алдын алу тақырыбында жалпыға бiрдей оқу өткiзу туралы
2025 жылғы 29 тамызда «Солтүстік Қазақстан облысы әкімдігінің энергетика және тұрғын үй-коммуналдық шаруашылық басқармасы» КММ-де басқарма қызметкерлерінің арасында «Сыбайлас жемқорлық құқық бұзушылықтардың алдын алу» тақырыбында жалпыға бірдей құқықтық оқыту өткізілді.
Басқарма басшысының орынбасары Қуандық Нұрғазыұлы Шакубаев сыбайлас жемқорлыққа қарсы іс-қимыл жөніндегі мемлекеттік саясаттың негізгі бағыттарын, сондай-ақ осы саладағы заңнаманың өзекті талаптарын егжей-тегжейлі түсіндірді.
Жалпыға бірдей оқу барысында тыңдаушыларға негізгі міндеттер жеткізілді:
- басқарма қызметкерлері арасында сыбайлас жемқорлық құқық бұзушылықтардың алдын алу;
- сыбайлас жемқорлық көріністерін уақтылы анықтауға және жолын кесуге мүмкіндік беретін ішкі бақылау жүйесін қалыптастыру және дамыту;
- сыбайлас жемқорлыққа байланысты тәуекелдер тұрғысынан қызметке талдау жүргізу және алдын алу шараларын әзірлеу;
- қызметкерлерді қызметтік әдеп қағидаттарына және қолданыстағы заңнамада бекітілген құқықтық нормаларға үйрету.
Сыбайлас жемқорлық құқық бұзушылықтардың алдын алу әрбір мемлекеттік қызметші жұмысының ажырамас бөлігі болып табылатыны және азаматтардың билік органдарына сенімі деңгейіне тікелей әсер ететіні атап өтілді. Осыған байланысты қызметкерлердің жеке жауапкершілігі мен сыбайлас жемқорлыққа қарсы стандарттарды қатаң сақтау мәселелеріне ерекше назар аударылды.
Жеткізілген ақпарат назарға алынды және жұмыс тиімділігін одан әрі арттыру және сыбайлас жемқорлық тәуекелдерін азайту мақсатында басқарманың практикалық қызметінде пайдаланылатын болады.