ҚР Еңбек және халықты әлеуметтік қорғау министрлігі Мемлекеттік еңбек инспекциясы Комитетінің СҚО бойынша департаменті басшысының орынбасары А. К. Көшербаевтың 2026 жылғы 9 маусымдағы " Қазақстандағы қызметкерлерді сақтандыру: 2026 жылы жұмыс берушілерге қандай айыппұлдар төнеді?"

2005 жылы әрбір жұмыс берушіні қызметкерлерді сақтандыруға міндеттейтін заң қабылданды. Сақтандыру қызметкерлерді еңбек міндеттерін атқару кезінде орын алған жазатайым оқиғалардан қорғау үшін ресімделеді.

Қазақстан Республикасы Еңбек кодексінің 182-бабы 2-тармағының 14) тармақшасына сәйкес сақтандырудың бұл түрі міндетті болып табылады және сақтандыру тек жазатайым оқиға қызметкер еңбек міндеттерін орындау кезінде орын алған жағдайда ғана қолданылады. Жазатайым оқиғаға байланысты шығыстар белгіленген сомада немесе жұмсалған шығыстар сомасында төлемдер түрінде өтеледі.

Жазатайым оқиға деп адамның еркіне қайшы келетін, денсаулыққа зиян келтіруге, мертігуге немесе өлімге әкеп соққан ағзаға сыртқы механикалық, электрлік, химиялық, термиялық немесе басқа да әсер ету нәтижесінде пайда болған кенеттен, қысқа мерзімді оқиға түсініледі.

Міндетті сақтандыру шартын жасасудан жалтару әкімшілік жазаға әкеп соғады. Осы құқық бұзушылық үшін кәсіпкерлік субъектісінің түріне байланысты 1 000 АЕК дейін айыппұл салынады.

Еңбек (қызметтік) міндеттерін атқару кезінде өмірі мен денсаулығына зиян келтірілген қызметкердің мүліктік мүдделерін қорғау мақсатында жұмыс берушілер сақтандыру шарттарын жасасуы қажет.