Айыртау ауданының ШҚ жұмысшыларына арналған семинар

2026 жылғы 17 наурызда мемлекеттік еңбек инспекторлары А.Н. Бейсембин мен А.В. Сергеев Айыртау ауданының «Кредо» және «Прекрасное» шаруа қожалықтарының өкілдеріне арналған семинар өткізді.

Кездесу барысында маусымдық ауыл шаруашылығы жұмыстарын жүргізу кезіндегі қауіпсіздік техникасы мен еңбекті қорғау талаптарының сақталуына басты назар аударылды. Қатысушыларға қауіпсіз еңбек жағдайларын қамтамасыз ету, жеке қорғаныс құралдарын қолдану бойынша міндетті нормалар және жұмыс берушілердің жұмыскерлердің өмірі мен денсаулығы үшін жауапкершілігі түсіндірілді.

Сондай-ақ, семинар аясында Қазақстан Республикасы еңбек заңнамасының негізгі ережелері, соның ішінде жұмыскерлердің құқықтарын қорғауға бағытталған соңғы өзгерістер таныстырылды. Қосымша құқықтық сауаттылықты арттыру және мәжбүрлеуге, сталкингке және зорлық-зомбылықтың басқа да нысандарына нөлдік төзімділікті қалыптастыру мәселелері талқыланды.

#Qurmet