Сараптама кеңесінің отырысы

Қазақстан Республикасы Еңбек және халықты әлеуметтік қорғау министрлігі Мемлекеттік еңбек инспекциясы комитетінің Солтүстік Қазақстан облысы бойынша департаментінің 2026 жылға арналған жұмыс жоспарын орындау мақсатында 2026 жылғы 11 наурызда Өндірістік жарақаттану мәселелеріне, сондай-ақ Қазақстан Республикасы Еңбек кодексінің нормаларын сақтауға арналған сараптамалық кеңестің отырысы өтті.

Іс-шараға Солтүстік Қазақстан облысы бойынша Мемлекеттік еңбек инспекциясы департаменті басшысының орынбасары А. К. Көшербаев, "Мамандандырылған оқу орталығы" ЖШС басшысы Ю. В. Козленко, сондай-ақ "Солтүстік Қазақстан облысының Кәсіподақ орталығы" ТОП өкілі Л. П. Голенкова қатысты.

Отырыс барысында Солтүстік Қазақстан облысында 2024-2026 жылдарға арналған Еңбек қауіпсіздігі мен еңбекті қорғауды қамтамасыз етудің, кәсіптік тәуекелдерді бағалауды жүргізудің, өндірістік жарақаттар немесе кәсіптік аурулар алу ықтималдығын талдаудың және оларды төмендету жөнінде шаралар қабылдаудың өзекті мәселелері қаралды.

Сонымен қатар, қатысушыларға еңбек қатынастарын құқықтық реттеу, Қазақстан Республикасы Еңбек заңнамасының талаптарын сақтау, сондай-ақ жұмыс берушілердің еңбек және еңбекті қорғау саласындағы нормаларды бұзғаны үшін жауапкершілігі мәселелері түсіндірілді.

Іс-шара соңында кәсіпорын өкілдері өздерін қызықтырған барлық сұрақтарын қойып, сөз сөйлеушілерден толық түсініктемелер алды.