«СҚО Автокөлік одағы» ҚБ өкілдерімен семинар

2026 жылғы 27 ақпанда «СҚО Автокөлік одағы» қоғамдық бірлестігінің өкілдерімен жұмыс кездесуі өтті, оның шеңберінде еңбек және әлеуметтік-еңбек қатынастары саласындағы өзекті мәселелер талқыланды.
Іс-шара барысында бірлестік өкілдеріне Департаменттің 2025 жылғы қызметінің қорытындылары, жұмыстың негізгі бағыттары, қол жеткізілген нәтижелер және алдағы кезеңге арналған басым міндеттер туралы толық ақпарат берілді. Еңбек қатынастарын реттеу, кәсіпорындарда еңбек қауіпсіздігі мен еңбекті қорғауды қамтамасыз ету, сондай-ақ өндірістік жарақаттанудың алдын алу мәселелеріне ерекше назар аударылды.
Жеке блокта Қазақстан Республикасының Әкімшілік құқық бұзушылық туралы Кодексіне енгізілген өзгерістермен негізгі ережелер бойынша ақпараттық-түсіндіру жұмыстары қаралды. Кездесуге қатысушыларға еңбек заңнамасының нормаларын қолдану, қызметкерлердің еңбек құқықтарын қорғау тәртібі және жұмыс берушілердің міндеттері бойынша түсініктемелер берілді.
Сондай-ақ, кездесу аясында халықтың құқықтық сауаттылығын арттыру, әйелдерге қатысты некеге мәжбүрлеуге, сталкингке және зорлық-зомбылықтың өзге де түрлеріне нөлдік төзімділікті қалыптастыру мәселелері талқыланды. Департамент өкілдері белсенді профилактикалық жұмыстың, азаматтардың құқықтары мен заңды мүдделерін бұзу фактілеріне уақтылы ден қоюдың, сондай-ақ азаматтық қоғам институттарымен өзара іс-қимылдың қажеттілігіне назар аударды.
Іс-шара соңында ашық диалог өтті, оның барысында қоғамдық бірлестік өкілдері барлық қызықтырған сұрақтарға толық жауап алды.