Еңбек заңнамасы және құқық бұзушылықтың алдын алу мәселелері бойынша түсіндіру кездесуі

«Қазақстан Республикасы Еңбек және халықты әлеуметтік қорғау министрлігінің Мемлекеттік еңбек инспекциясы комитетінің Солтүстік Қазақстан облысы бойынша департаменті» РММ Аққайың ауданы Токуши ауылдық округінің әкімімен бірлесіп фермерлік шаруашылықтар мен серіктестіктердің басшыларымен кездесу өткізді.

Іс-шара барысында мемлекеттік еңбек инспекторы Д.Д. Купеева Қазақстан Республикасы Еңбек заңнамасының нормаларын, оның ішінде жұмыс берушілердің еңбек қауіпсіздігі және еңбекті қорғау саласындағы құқықтары мен міндеттерін түсіндірді. Сондай-ақ қатысушыларға еңбек шарттарын бірыңғай есепке алу жүйесіне еңбек шарттарын тіркеу қажеттілігі туралы еске салынды.

Бұдан басқа, құқық бұзушылықтардың алдын алу бойынша алдын алу шараларын қабылдау үшін объектілерді ішкі және сыртқы бейнебақылау камераларымен жарақтандырудың маңыздылығы туралы ақпарат жеткізілді. Құқықтық сауаттылықты арттыру және әйелдерге қатысты некеге мәжбүрлеуге, сталкингке және басқа да зорлық-зомбылық түрлеріне нөлдік төзімділікті қалыптастыру мәселелеріне ерекше назар аударылды.