Заң мен тәртіп – өндірістегі қауіпсіздік пен жауапкершілік

2026 жылғы 13 ақпанда «Заң және Тәртіп» идеологиясын ілгерілету жөніндегі Тұжырымдаманы іске асыру аясында Аққайың ауданының прокуратурасы Аққайың ауданы әкімдігі, Аққайың аудандық полиция бөлімі және Солтүстік Қазақстан облысы бойынша Мемлекеттік еңбек инспекциясы комитеті департаментінің қатысуымен бірлескен іс-шара өткізуді бастамашылық етті.

Іс-шараның тақырыбы:

«Заң мен тәртіп – өндірістегі қауіпсіздік пен жауапкершілік».

Кездесу «Солтүстік Қазақстан ауыл шаруашылығы тәжірибе станциясы» ЖШС базасында өтті.

Іс-шара барысында келесі өзекті мәселелер талқыланды:

еңбек заңнамасының сақталуы;

 қауіпсіз еңбек жағдайларын қамтамасыз ету;

 өндірістік жарақаттанудың алдын алу;

 еңбек қауіпсіздігі талаптарын бұзғаны үшін жұмыс берушілер мен қызметкерлердің жауапкершілігі;

 құқықтық және өндірістік тәртіпті нығайту.

Акцияның мақсаты – өндірістік кәсіпорындарда заңға бағыну мәдениетін қалыптастыру, құқық бұзушылықтардың, жазатайым оқиғалар мен апаттардың алдын алу, сондай-ақ еңбек ұжымдарында құқықтық мәдениет пен жауапкершілік деңгейін арттыру.

Кездесу барысында қадағалау және құқық қорғау органдарының өкілдері Қазақстан Республикасының қолданыстағы заңнамалары бойынша түсіндірмелер беріп, құқық бұзушылықтардың алдын алу жөнінде практикалық ұсыныстар айтты.

Мұндай іс-шаралар қауіпсіз еңбек ортасын қалыптастыруға, қызметкерлердің құқықтарын қорғауға және еңбек саласында заңдылық қағидаттарын нығайтуға бағытталған.