Солтүстік Қазақстан облысы бойынша Қазақстан Республикасы Еңбек және халықты әлеуметтік қорғау министрлігі Мемлекеттік еңбек инспекциясы комитетінің департаментінде Қазақстан Республикасының жаңа Конституциясының жобасы бойынша өткен кеңес
2026 жылғы 3 ақпанда Қазақстан Республикасы Еңбек және халықты әлеуметтік қорғау министрлігінде Қазақстан Республикасы Еңбек және халықты әлеуметтік қорғау министрі Асқарбек Ертаевтың төрағалығымен Қазақстанның жаңа Конституциясы жобасындағы негізгі өзгерістерді талқылау бойынша кеңес өтті. Кеңеске мемлекеттік еңбек инспекциясының аумақтық департаменттері қатысты.
Асқарбек Ертаев өз сөзінде жаңа Конституцияның елдің ұзақ мерзімді дамуына бағытталғанын және орталығында адам мен оның әл-ауқаты тұратын әлеуметтік жауапты мемлекеттің заманауи моделін қалыптастыратынын атап өтті.
Министр Негізгі заң жобасында мемлекеттік қызметтің негізгі бағыттарының бірі ретінде қарастырылатын әлеуметтік саясаттың рөліне ерекше назар аударды.
«Конституция мемлекеттің халықтың әл-ауқатын арттыру міндетін бекітеді. Әлеуметтік саясат қосалқы функция емес, стратегиялық бағыт ретінде қарастырылады», – деп атап өтті Асқарбек Ертаев.
Сондай-ақ, А. Ертаев Қазақстанның дамуы тікелей адами капиталдың сапасымен байланысты екеніне назар аударды, бұл еңбек, жұмыспен қамту және әлеуметтік қорғау саласындағы мемлекеттік саясаттың басымдықтарына толық сәйкес келеді.
«Елдің болашағы адами капиталдың сапасымен байланысты. Біз басты ресурс адам болып табылатын даму моделіне көшудеміз», – деп атап көрсетті министр.
Кеңес барысында азаматтарды қорғаудың құқықтық тетіктерін күшейтудің маңыздылығы ерекше атап өтілді. Асқарбек Ертаевтың айтуынша, жаңа Конституция жобасы азаматтардың өз құқықтары мен заңды мүдделерін қорғау мүмкіндіктерін кеңейтуді көздейді.
Кеңес қорытындысы бойынша, Мемлекеттік еңбек инспекциясы комитетінің Солтүстік Қазақстан облысы бойынша департаментінің басшысы Мирас Сабаганов бұқаралық ақпарат құралдарына Қазақстан Республикасы Конституциясының жобасындағы негізгі жаңашылдықтар туралы сұхбат берді.
Мирас Сабаганов өз сөзінде «Бүгін біз Қазақстанның демократиялық, зайырлы және құқықтық мемлекет ретінде одан әрі дамуын қамтамасыз ететін Қазақстан Республикасының жаңа Конституциясының қабылдануын талқылаудың куәсі болып отырмыз. Біз Президенттің бастамасын қолдаймыз. Қазір заман басқа, ел бір орында тұрмайды, бұл бізге азаматтарымыздың конституциялық құқықтарын іске асыруда жаңа шешімдер мен тәсілдерді іздеуге мүмкіндік береді. Біз де өз кезегімізде әлеуметтік-еңбек қатынастары институтын нығайтуға, азаматтарымыздың еңбек құқықтарын қорғауға үлес қосуды жалғастырамыз», - деп атап өтті.