«Жергілікті атқарушы органдардың мемлекеттік қызмет көрсету сапасын арттыру» семинар-кеңесі

2024 жылғы 12 маусымда Солтүстік Қазақстан облысы әкімі аппаратының басшысы Р.К. Әлішевтің төрағалығымен облыстың цифрлық технологиялар басқармасы ұйымдастырған семинар-кеңес өтті.

Іс-шара барысында цифрлық технологиялар басқармасының басшысы Азамат Байтеміров жұмыс қорытындылары, мемлекеттік қызметтер сапасын арттырудың басым бағыттары және болашаққа арналған жоспарлар туралы баяндама жасады.

Баяндамалар да айтылды:

Петропавл қаласы әкімі аппаратының басшысы Ольга Леонидовна Абдрахманова және Тайынша ауданы әкімі аппаратының басшысы закан Жақымұлы Закирьянов-жергілікті жерлерде мемлекеттік қызметтер көрсету мәселелері бойынша;

Цифрлық технологиялар басқармасының бас маманы А.К. Қасымғожина — ішкі бақылау мәселелері бойынша;

«Азаматтарға арналған үкімет «Мемлекеттік корпорациясы» КЕАҚ Солтүстік Қазақстан облыстық филиалы бақылау және сапа басқармасының басшысы Жакин Ермек Серікұлы-жергілікті атқарушы органдармен өзара іс — қимыл жасау бойынша;

Солтүстік Қазақстан облысы бойынша «Ұлттық ақпараттық технологиялар» АҚ өкілдігінің бас менеджері Григорий Владимирович Пономарев-мемлекеттік органдардың ақпараттық жүйелердегі жұмысы бойынша (Е-лицензиялау, ХҚКО ИАЖ, БМҚК);

«ҚАЗГИССА» ЖШС жобаларының жетекшісі Санжар Кабдулов және жоба менеджері Айым Майданова — жер қатынастары саласындағы цифрландыру мәселелері бойынша.

Семинар барысында аудандық әкімдіктер мен облыстық басқармалардың қатысушылары белсенді түрде сұрақтар қойды, оларға спикерлер толық жауаптар берді.

Іс-шара тәжірибе алмасуға және халыққа сапалы мемлекеттік қызмет көрсету саласындағы өзекті міндеттерді талқылауға ықпал етті.