2026 жылы өрт сөндіру бекеттерін жаңарту жоспары аясында Айыртау ауданында төрт ауылдық округте осы нысандарды жаңарту жүргізілуде.

Ағымдағы жылдың маусым айында Қамсақты ауылдық округінің Қамсақты ауылында бір жаңартылған өрт сөндіру бекеті ашылды. 
Қазіргі уақытта жұмыс Сырымбет ауылдық округінің Сырымбет ауылында, Лобанов ауылдық округінің Шалқар ауылында және Гусаков ауылдық округінің Гусаковка ауылында жалғасуда.
22 қыркүйекте аудан әкімі Мейрам Меңдібаев Сырымбет ауылдық округіне барып, округ әкімі Медетбек Бекенов өрт сөндіру бекетін жаңарту бойынша жұмыстардың барысы, сондай-ақ округ аумағында өткізілген іс-шаралар мен ағымдағы жұмыстар туралы баяндады.
Жаңартылған ғимаратта өрт ауысымы қызметін атқару үшін қажетті жағдайлар қарастырылған: демалыс бөлмесі, ас үй, кезекші үй-жай, жуынатын бөлме және душ бөлмесі. Сондай-ақ өрт орындарына жедел шығуды және авариялық-құтқару жұмыстарын жүргізуді қамтамасыз ету үшін өрт техникасын орналастыру көзделген.

Сырымбет, Лобанов және Гусаков ауылдық округтерінде жұмыстарды аяқтау және өрт сөндіру бекеттерін ашу 2026 жылдың қазан айында жоспарлануда.
Келу қорытындысы бойынша аудан әкімі өзінің жедел мәселелер жөніндегі орынбасары Бақытжан Жантілеуовке өрт сөндіру бекеттерін жаңарту барысын ерекше бақылауға алуды және жұмыстардың орындалу барысы туралы күнделікті ақпарат беруді қамтамасыз етуді тапсырды.