Солтүстік Қазақстан облысының тәжірибесін тарату бағдарламасы аясында М. Жұмабаев ауданындағы Советское ауылында «СК Агро 2050» ЖШС базасында 10 мың басқа арналған ауқымды сүт кешенінің құрылысы жүргізілуде

Солтүстік Қазақстан облысының тәжірибесін тарату бағдарламасы аясында М. Жұмабаев ауданындағы Советское ауылында «СК Агро 2050» ЖШС базасында 10 мың басқа арналған ауқымды сүт кешенінің құрылысы жүргізілуде. Құрылыстың бірінші кезеңі сәтті аяқталып, кешен қазірдің өзінде ірі қараны қабылдауда: бұған дейін Украинадан 256 бас голштин-фриз тұқымды ірі қара әкелінген болатын, ал бүгін Германиядан 165 бас құнажын әуе көлігімен Қарағандыға жеткізіліп, кейін кешенге автокөлікпен тасымалданды. Фермада Орталық Азиядағы ең ірі — 100 сиырға арналған бірегей «Карусель» сауу қондырғысы орнатылғанын ерекше атап өткен жөн. Келесі ірі қара мал басын жеткізу 2026 жылдың қаңтарына жоспарланған.