23 ТАМЫЗ — ЕЛ БОЛАШАҒЫ ҮШІН МАҢЫЗДЫ КҮН

Бүгін, 23 тамызда Құрылтай сайлауына орай Шымкент қаласында жастар арасында танымдық викторина ұйымдастырылды.

Онда сайлаушылар Құрылтай мен Қазақстан Республикасының Конституциясына қатысты сұрақтарға жауап беріп, өз білімдерін сынады. Викторина жастардың құқықтық сауаттылығын арттыруға және азаматтық белсенділігін дамытуға бағытталды.

Белсенділік танытып, сұрақтарға дұрыс жауап берген қатысушыларға Қазақстан Республикасының Конституциясы туралы арнайы кітаптар табысталды.

Ел болашағы — білімді, белсенді әрі жауапты азаматтардың қолында!