ШЫМКЕНТТЕ ЖАСТАРҒА ЭКОЛОГИЯЛЫҚ МӘДЕНИЕТТІҢ МАҢЫЗЫ ТҮСІНДІРІЛДІ

Шымкент қаласында «Таза Қазақстан» бағдарламасы аясында экологиялық мәдениетті қалыптастыруға бағытталған іс-шаралар жалғасуда. Қала тұрғындары тазалыққа ерекше мән беріп, тұрмыстық қалдықтарды арнайы жәшіктерге тастау мәдениетін қалыптастыра бастағаны байқалады. Бұл – қоршаған ортаны қорғауға бағытталған жүйелі жұмыстардың нәтижесі.

Осындай бастамалардың бірі Аймақтық инновациялық университетте өтті. Университет ұжымы мен қалалық Жастар саясаты басқармасы бірлесіп ұйымдастырған кездесуге қоршаған ортаны қорғау мәселесіне бейжай қарамайтын білім алушылар қатысты.