Екі мыңға жуық ардагер мен оның отбасыларына бір реттік төлем жасалады

     Отан қорғаушы күні мен Жеңіс күніне орай Шымкент қаласында ардагерлер мен әскери қызметшілердің отбасыларына бір реттік әлеуметтік төлемдер қарастырылды. Бұл шаралар Шымкент қаласы мәслихатының 2024 жылғы 19 наурыздағы №14/123-VIII шешімі негізінде жүзеге асырылуда.
     7 мамыр – Отан қорғаушы күніне орай:
🔷Ұлы Отан соғысы ардагерлеріне теңестірілген 166 ардагерге 45 айлық есептік көрсеткіш мөлшерінде (176 940 теңге) бір реттік көмек көрсетіледі. Бұл мақсатқа бюджеттен 29,4 миллион теңге бөлінді.
      9 мамыр – Жеңіс күніне орай:
🔷Ұлы Отан соғысына қатысқан 2 ардагерге 1 272 АЕК немесе 5 001 504 теңге көлемінде бір реттік әлеуметтік көмек беріледі. Жалпы қаралған қаржы – 10 миллион теңге.
     Сонымен қатар:
🔷Тыл ардагерлеріне, ҰОС мүгедектерінің жесірлеріне және қаза тапқан әскери қызметшілердің отбасыларына 15 АЕК (58 980 теңге) көлемінде төлем қарастырылған. Бұл санатқа кіретін                       1 826 азаматқа жалпы 107,6 миллион теңге бөлінген.
Осылайша, 7–9 мамыр мерекелері қарсаңында барлығы 1 994 ардагер мен ардагерлердің отбасылары мемлекеттік қолдауға ие болады. Бір реттік төлемдерге бөлінген жалпы сома –                  147,1 миллион теңгені құрап отыр.
     Бұл игі шаралар — еліміздің бейбіт өмірі мен еркіндігі үшін күрескен азаматтардың ерлігін ұлықтауға бағытталған маңызды қадам.