БЕЛЬГИЯ КОРОЛЬДІГІНІҢ ҚҰРМЕТТІ КОНСУЛДЫҒЫ ШЫМКЕНТТЕ АШЫЛДЫ

Шымкентте Бельгия Корольдігінің Құрметті консулдығының ресми ашылу салтанаты өтті. Жаңа дипломатиялық өкілдік Бельгия елінің мүдделерін Шымкент қаласында, сондай-ақ Түркістан, Қызылорда және Жамбыл облыстарында таныстыратын болады.

Консулдықтың ашылуы екі ел арасындағы достық байланыстарды нығайтуға және ынтымақтастықты кеңейтуге бағытталған. Шымкент қаласы — Қазақстанның ірі мегаполистерінің бірі болып табылады, онда өнеркәсіптік, инвестициялық және логистикалық әлеует жоғары екені атап өтілді.

Іс-шара аясында өңірде өкілдік ашу туралы шешім қабылдағаны үшін Қазақстан Республикасындағы Бельгия Корольдігінің Төтенше және Өкілетті Елшісіне алғыс білдірілді. Құрметті консулдықтың жұмысы сауда-экономикалық байланыстарды дамытуға, инвестицияларды тартуға және іскер серіктестікті нығайтуға жаңа серпін беретіні күтілуде.