AZAL әуе компаниясы Баку – Шымкент тікелей әуе рейсін іске қосады

Әзербайжанның ұлттық әуе тасымалдаушысы AZAL маршруттық желісін кеңейту аясында маусым айында Бакуден Шымкентке тұрақты рейстерді орындай бастайды.

Қазақстанның оңтүстігінде орналасқан қалаға алғашқы рейс 28 маусымда жүзеге асырылады.
Баку–Шымкент–Баку бағыты бойынша әуе рейстері аптасына үш рет орындалады:
— Бакуден Шымкентке – дүйсенбі, сәрсенбі және сенбі күндері;
— Кері бағытта – сейсенбі, бейсенбі және жексенбі күндері.