«ЖАРНАМА – ТІЛ ТАЗАЛЫҒЫНЫҢ КӨРІНІСІ» БАЙҚАУЫ МӘРЕСІНЕ ЖЕТТІ

Шымкент қаласының мәдениет, тілдерді дамыту және архивтер басқармасының бастамасымен Қазақстан Республикасында тіл саясатын дамытудың 2023–2029 жылдарға арналған тұжырымдамасын іске асыру жөніндегі іс-қимыл жоспары аясында А. Пушкин атындағы қалалық кітапханада «Жарнама – тіл тазалығының көрінісі» атты қалалық байқаудың қорытынды шарасы өтті.

 

Байқауға квазимемлекеттік сектор өкілдері, жарнама мәтінін әзірлейтін кәсіпкерлер мен жарнама агенттіктерінің мамандары, өз өнімдерін жарнамалайтын тауар өндірушілер, сондай-ақ заң талаптарына сай келмейтін жарнамаларды анықтап, түзетуге үлес қосып жүрген азаматтар қатысты.

 

Байқау қорытындысы бойынша жеңімпаздар төмендегідей анықталды:

 Бас жүлде – «Janym Soul» караоке клубы;

 І орын – «Ақ-Қара Полиграфсистем» жарнама агенттігі;

 ІІ орын – «KASIET» фитнес клубы және «Biik» жарнама агенттігі;

 ІІІ орын – «Қазақстан Халық Банкі» АҚ өңірлік маркетинг бөлімі және «Innoforce Media» ЖШС.

 

Сонымен қатар, белсенді қатысқандары үшін «BESKUDUK TAS» natural stone company, «Aisultan Group» ЖШС, «Shymkent-Reklama» және «Grace.kz» жарнама агенттіктері алғыс хаттармен марапатталды.

 

Байқау қорытындысында үздік деп танылған 10 қатысушыға дипломдар мен бағалы сыйлықтар табысталды.