Шымкент қаласының сәулет және қала құрылысы басқармасы «Таза Қазақстан» бағдарламасы аясындағы сенбілікке белсенді қатысты

Шымкент қаласында «Таза Қазақстан» республикалық бағдарламасы аясында кең көлемді жалпыхалықтық сенбілік ұйымдастырылды.

Тазалық шаралары аясында жол жиегіне бейберекет төгілген тұрмыстық қалдықтар арнайы белгіленген орындарға шығарылып, арамшөптер мен тікенді өсімдіктер орылып, қураған ағаш бұталары кесілді.

Айта кетейік, бұл жұмыстар «Таза Қазақстан» акциясы аясында ұйымдастырылды. Аталған экологиялық бастама – ел аумағында қоршаған ортаны қорғау, тұрғындардың экологиялық мәдениетін арттыру және табиғатқа жанашырлықпен қарауға үндеу мақсатында қолға алынған кең ауқымды жоба болып табылады.