ШЫМКЕНТТЕ «ХАЛЫҚ ЗАҢГЕРІ» АКЦИЯСЫ ӨТЕДІ

2026 жылғы 30 қыркүйекте Шымкент қаласында «Халық заңгері» акциясы өтеді.
Қала әкімінің тапсырмасына сәйкес ұйымдастырылатын акция сағат 16:00-де Шымкент қаласындағы «Арбат» гүлзарында (Бейбітшілік көшесі, №4–6) басталады.
Акцияның негізгі мақсаты – халықтың құқықтық сауаттылығын арттыру және азаматтарға тегін заң көмегін көрсету.
Акция барысында азаматтар өздерін қызықтыратын құқықтық мәселелер бойынша заң қоғамдастығының өкілдерінен тегін консультация ала алады.
Іс-шараға жергілікті атқарушы, аумақтық және құқық қорғау органдарының өкілдері, прокурорлар, тергеушілер, сот орындаушылары, адвокаттар, нотариустар және басқа да заң саласының мамандары қатысады.