23 МАУСЫМ – МЕМЛЕКЕТТІК ҚЫЗМЕТШІЛЕР КҮНІ

23 маусым – Мемлекеттік қызметшілер күні. Бұл күн мемлекеттік басқару жүйесінде еңбек етіп, елдің әлеуметтік-экономикалық дамуына үлес қосып жүрген мамандардың кәсіби мерекесі ретінде аталып өтеді.

Мемлекеттік қызмет – жоғары жауапкершілік пен кәсібилікті талап ететін маңызды сала. Мемлекеттік қызметшілер азаматтардың құқықтары мен заңды мүдделерін қорғау, мемлекеттік саясатты іске асыру және халыққа сапалы қызмет көрсету бағытында еңбек етеді.

Бүгінде мемлекеттік аппараттың тиімділігін арттыру, ашықтық пен есептілікті қамтамасыз ету, азаматтарға қолайлы жағдай жасау мемлекеттік қызметтің негізгі басымдықтарының бірі болып табылады.

Халыққа адал қызмет ету, заңдылық пен әділдік қағидаттарын сақтау – мемлекеттік қызметтің басты ұстанымы.