Мемлекеттік сатып алу қағидаларына өзгерістер енгізілді

Қазақстан Республикасы Қаржы министрінің 2025 жылғы 19 желтоқсандағы №791 бұйрығымен бекітілген Мемлекеттік сатып алуды жүзеге асыру қағидаларының 580-тармағына өзгерістер енгізілді.

Қағидалардың 580-тармағына сәйкес, мемлекеттік сатып алу шартының орындалуы барысында тауарларды жеткізу кезінде өнім беруші веб-портал арқылы тауарды босатуға арналған электрондық жүкқұжатты, сондай-ақ Ұлттық тауарлар каталогынан алынған бірегей кодты (NTIN) көрсете отырып, тауарды қабылдау-тапсыру актісін рәсімдеуге міндетті.

Жүйе «Бірегей код (NTIN)» өрісінің толтырылуын автоматты түрде тексереді және Ұлттық тауарлар каталогына сұрау жолдап, тауардың кеңейтілген карточкасының (KZTIN) бар-жоғын анықтайды. KZTIN коды болған жағдайда мән сақталады, болмаған жағдайда өнім беруші https://nct.gov.kz/#/
сайтына тіркеліп, код алуға өтінім беруі қажет.

nationalcatalog.kz және nct.gov.kz сайттары арасындағы синхрондаудың болмауына байланысты KZTIN кодын алу тәртібі бұрынғы әрекеттерге байланысты өзгеруі мүмкін. Осыған байланысты келесі жағдайлар ескеріледі:

Егер тауар бұрын nationalcatalog.kz сайтында тіркеліп, NTIN коды берілген болса, өнім беруші nct.gov.kz сайтына кіріп, тіркеліп немесе авторизациядан өтіп, тауарға өтінім береді. Өтінімде NTIN коды қосымша атрибут ретінде көрсетіледі. Модерация нәтижесінде тауар карточкасы кеңейтіліп, KZTIN коды беріледі.

Егер тауарға NTIN және KZTIN кодтары бөлек карточкаларда рәсімделген болса, оларды біріктіру үшін ecatalog@ecc.kz
электрондық поштасына өтініш жолдау қажет. Хатта екі код міндетті түрде көрсетіледі.

Өтінімдерді модерациялау мерзімі 10 жұмыс күнін құрайды, сондықтан өтінімдерді алдын ала жолдау ұсынылады.

Тауарды қабылдау-тапсыру актісін толтыру жөніндегі нұсқаулық тиісті сілтеме арқылы қолжетімді.