Тұрғындарға табиғи газдан уланудың алдын алу мақсатынды түсіндірме жұмыстары жүргізілуде

Тұран ауданы,1 Мамыр көшесінде газдан уланудың алдын алу мақсатында түсіндірме жұмыстары жүргізілді. Іс-шараға Шымкент қаласының Қалалық орта сапасы және бақылау басқармасы мен Шымкент қаласының Газ техникалық қызметі КММ қызметкерлері қатысты. Түсіндіру жұмыстары барысында тұрғындарға тұрмыстық газды пайдалану кезінде жіберілетін жиі қателіктер, олардың алдын алу жолдары және қауіпсіздік талаптары түсіндірілді. Сондай-ақ, мамандар әр үйге жеке кіріп, газ жабдықтарының жағдайын тексеріп, тұрғындарға: газ жабдығын өздігінен орнатпау; шлангтардың, құбырлардың техникалық жағдайын үнемі бақылау; үй-жайды жүйелі түрде желдетіп отыру; газдың иісі сезілген жағдайда бірден үйдегі газ кранын жабу және 104 нөміріне хабар беру қажеттігін ескертті. Мамандар мұндай профилактикалық жұмыстар алдағы уақытта да тұрақты түрде жүргізілетінін атап өтті.