Жүк көліктері мен арнайы техникаларды шығаратын жетекші компаниялардың бірі «Xinjiang Zhonggong Automobile» компаниясымен кездесу өтті

Компанияның өндірістік нысандары Шаньдун провинциясында (ҚХР) орналасқан және жалпы ауданы 200 000 м², оның ішінде 50 000 м² өндірістік үй-жайларды алып жатыр. Кәсіпорын аумағында ауыр жүк көліктерін, самосвалдарды, бетон араластырғыштарды, жартылай тіркемелерді және басқа техникаларды құрастыруға арналған мамандандырылған учаскелер бар.

Компания 400-ден астам заманауи құрал-жабдықтармен жабдықталған, бұл жылына 10 000-нан астам автокөлік шығаруға мүмкіндік береді.

Кездесу барысында ынтымақтастықтың негізгі аспектілері мен Шымкентте өндірісті іске қосу перспективалары талқыланды.

Бұл ынтымақтастық аймақ экономикасы үшін жаңа перспективалар ашып, жергілікті нарықтағы өндіріс деңгейін арттыратынына сенімдіміз.