Мемлекет басшысы Шымкент қаласындағы инвестиция көлемі 95,3 млрд теңгені құрайтын Тассай индустриялық аймағымен танысты

Шымкент қаласында 2016 жылы іске қосылған жалпы аумағы 89 га құрайтын Тассай индустриялық аймағында бүгінде 44,5 млрд теңгеге 2 мыңнан астам жұмыс орындарын құрумен 33 жоба іске қосылып, 50,8 млрд теңгені құрайтын 9 жоба жүзеге асырылуда. Аталған аймақ толықтай қажетті инфрақұрылыммен қамтылған. Сонымен қатар, қалада индустриалды аймақтар дамып, жаңа өндіріс орындары ашылуда. Инвесторлар тартылып, шағын және орта бизнесті қолдау шаралары жүзеге асырылуда.
Бұл – өңірдің экономикалық дамуына серпін беретін маңызды алаң.