ОТАНДЫҚ ӨНІМ БӘСЕКЕГЕ ҚАБІЛЕТТІ

Шымкентте металл-пластикалық терезе мен есіктерге жаңа технология бойынша керек-жарақтар шығарылады. Бүгінде «Оңтүстік» индустриалды аймағында орналасқан кәсіпорынның жұмысы қарқынды. Ел экономикасының дамуына үлес қосып отырған өндіріс ошағы 2018 жылы іске қосылған. Қазіргі таңда барлық қалаларды отандық өніммен қамтып отыр.

«Компания WDA» ЖШС  шаһардағы алдыңғы қатарлы кәсіпорындардың бірі. Бүгінде  металл-пластикалық терезе мен есіктерге жаңа технология бойынша керек-жарақтар шығарады.  Қуаттылығы айына 30 тоннаға дейін өнім шығаруға қауқарлы.  Аталған зауыт Түркияның қондырғыларымен жабдықталған. Мұндағы тауардың ерекшелігі- беріктігінде.  Әрбір деталі мен пішініне мән беріледі. Сондықтан болар тың технологияның арқасында зауыт сапалы әрі төзімді өнім шығаруда. Қажетті шикізат-отандық.  Десе де, кәсіорын басшысының орынбасары біраз қиындықтар бар екенні жеткізді.

Бүгінде компания өнімі ең сапалы шикізаттардан дайындалады. Мұнда әбден тексерістен өткен материалдар қолданылады. Керек-жарақтар өндірісіндегі ең басты шикізат – мырыш. Оны KAZZINK компаниясынан алады. Ол Қазақстандағы және әлемдегі ең озық мырыш өндіретін кәсіпорын саналады. Серіктестік өнімі жүз пайыз отандық шикізаттан тұрады. Осылайша «Компания WDA» ЖШС қазақстандық өндірушілерді қолдап, ұлттық экономиканың дамуына айрықша үлес қосуда.

Айтып өтейік, зауытта «Ұлттық сараптау және сертификаттау орталығы» аттестациялаған өз зертханасы бар. Аталмыш мекемеде  сырттан әкелінген шикізаттардың тазалығына және керек-жарақтар шығару ісі мен дайын бұйымның сапасына жіті бақылау жүргізіледі. Зертхана соңғы үлгідегі техникамен жарақталған, шығарылған өнімді қажетті деңгейде бақылап отыратын сынама стендтермен қамтамасыз етілген.

WDA ЖШС бұйымдары жоғары сапасымен және сапалы шикізат қолдану мен заманауи өндіріс технологиясын пайдаланудың арқасында қол жеткізілген экологиялық тазалығымен ерекшеленеді. Зауыт басшысы тұтынушылардың есік-терезесі ұзақ қызмет ету үшін бар күші мен мүмкіндігін сала бермек.