70- ТЕН АСТАМ КӘСІПКЕР ҚАТЫСҚАН АШЫҚ ЕСІК КҮНІ ӨТТІ

Қазақстан Республикасы Сыртқы істер министрлігі, Инвестициялар комитеті, Бас прокуратура және Kazakh Invest ҰК бірлесіп, инвесторларға арналған Ашық есік күні ұйымдастырылды.

Кездесу кезінде инвестициялық жобаларды қолдау, мемлекеттік органдармен өзара іс-қимылды күшейту, сондай-ақ кәсіпкерлерді толғандырған өзекті мәселелер бойынша ашық диалог өтті.

Ашық есік күніне 70-тен астам кәсіпкер қатысып, өз ұсыныстарын білдіріп, көкейлеріндегі сауалдарына нақты жауап алды.

 Бұл бастама мемлекеттік органдар мен бизнес қауымдастығы арасындағы ашықтықты арттырып, өзара сенімді серіктестікті нығайтты.