ҚАЗАҚСТАН 2030 ЖЫЛҒА ДЕЙІН ІШКІ МЕМЛЕКЕТТІК АУДИТТІ ДАМЫТАДЫ

Қазақстанда 2030 жылға дейін ішкі мемлекеттік аудит жүйесін одан әрі жетілдіруге бағытталған стратегиялық бағыт айқындалды. Оның негізгі мақсаты — бюджет қаражатын тиімді әрі мақсатты пайдалануды қамтамасыз ету, қаржылық тәуекелдердің алдын алу және оларды ерте кезеңде анықтау.

Жаңа тәсілде аудит жүргізіп, бұзушылықты кейін анықтаудан гөрі, тәуекелдердің алдын алуға басымдық беріледі. Бұл ретте цифрлық технологиялар мен деректерді талдау құралдарын кеңінен пайдалану көзделген.