Қаратау ауданында құқықтық кездесу өтті

Қаратау ауданы әкімі аппаратының ұйымдастыруымен Қайтпас шағынауданы Қаныш Сатпаев атындағы жалпы білім беретін мектеп оқушылары арасында құқықбұзушылықтың, нашақорлықтың алдын алу және отбасындағы зорлық-зомбылықтың алдын алу тақырыптарында маңызды кездесу өткізілді.

 Кездесуге қоғамдық бірлестіктердің психологтары, нарколог мамандар және кәмелетке толмағандар істері жөніндегі инспекторлар қатысып, жасөспірімдерге өз салалары бойынша пайдалы әрі маңызды ақпараттар ұсынды.

 Іс-шараның басты мақсаты – жас ұрпақтың құқықтық сауаттылығын арттыру, зиянды әрекеттердің алдын алу және салауатты өмір салтын насихаттау.