Нұрсат шағын ауданында кезекті аралау жүргізілді

Бүгін аудан әкімі Абаев Алмас Емелтайұлының басшылығымен аудан әкімдігі қызметкерлері мен бірқатар мекеме өкілдері Нұрсат шағын ауданында аумақты аралап, тазалық пен абаттандыру бағытындағы жұмыстардың жай-күйін тексерді.

Аралаудың мақсаты – тұрғындар игілігі үшін аумақтың санитарлық жағдайын бақылау, ойын және демалыс алаңшаларының қауіпсіздігін, аяқжолдар мен көгалдардың күтімін, сондай-ақ заңсыз жарнамалардың алдын алу шараларын қадағалау болды.

Аралау барысында тұрғын үйлердің аулалары, ойын және демалыс алаңшалары, аяқжолдар мен көгалдарға күтім деңгейі қаралды. Сонымен қатар аумақтың санитарлық жағдайына, қалдықтардың уақтылы шығарылуына және заңсыз жарнамалардың орналасуына ерекше назар аударылды.

Тексеру нәтижесінде аумақтың тазалығы мен абаттандыру жұмыстарына қатысты бірқатар кемшіліктер анықталды. Жекелеген мәселелер сол сәтте шешімін тауып, тиісті аумақтар ретке келтірілді. Аралау барысында тазалықты сақтауда үлгі көрсеткен тұрғындарға алғыс білдіріліп, тұрғындармен кездесіп, олардың өтініштері мен ұсыныстары тыңдалды.

Аралау қорытындысы бойынша анықталған кемшіліктерді жою және аумақты абаттандыру жұмыстарын жүйелі түрде жүргізу жөнінде тиісті бөлімдер мен мекемелерге нақты тапсырмалар берілді.
Аудан әкімдігі тарапынан аумақтың санитарлық тазалығын сақтау, инженерлік инфрақұрылымды күтіп ұстау және тұрғындар үшін қолайлы өмір сүру ортасын қалыптастыру бағытындағы жұмыстар тұрақты бақылауда болады.