Шымкент қаласының энергетика және инфрақұрылымды дамыту басқармасының ұжымы сенбілікке қатысты

Шымкент қаласының энергетика және инфрақұрылымды дамыту басқармасы тарапынан жалпы қалалық сенбілікке Әл-Фараби ауданы Қабанбай батыр көшесі № 6, 8 және 10 көппәтерлі тұрғын үйлердің ауласына қызметкерлер атсалысты. Сенбілікте жиналған тұрмыстық қалдықтар арнайы қаптарға салынып, қала тазалығына жауапты мекемелерге тапсырылды. Сонымен қатар, қызметкерлер жасыл желектердің түптерін қопсытып, көгалдандыру жұмыстарына үлес қосты. Бұл шара – әрбір қала тұрғынының туған жерге деген сүйіспеншілігін білдіретін игі бастама. Энергетика және инфрақұрылымды дамыту басқармасының қызметкерлері алдағы уақытта да қаланың көркеюі мен экологиялық ахуалын жақсартуға бағытталған осындай шараларға тұрақты түрде қатысуды жоспарлап отыр.