18 наурыз – Ұлттық киім күні

Бүгін – Ұлттық киім күніне орай, ұлттық құндылықтарды дәріптеу және насихаттау мақсатында Еңбекші ауданы әкімі аппаратының ұжымы жұмысқа ұлттық киіммен келді.

Ұлттық киім – халқымыздың тарихы мен мәдениетінің айнасы, ұлттың болмысын айқындайтын маңызды мұра. Осындай игі бастамалар арқылы дәстүрімізді жаңғыртып, жас ұрпаққа үлгі болуды мақсат етеміз.

Мерекеге орай ұжым арасында жылы лебіздер айтылып, бір-біріне ақжарма тілектер мен шынайы құттықтаулар жолданды. Бұл күн ұжымға ерекше көңіл-күй сыйлап, бірлік пен татулықты одан әрі нығайта түсті.

Баршаңызды Ұлттық киім күнімен шын жүректен құттықтаймыз! Ұлттық құндылықтарымыз ұлықталып, салт-дәстүріміз әрдайым дәріптеле берсін! Әр шаңыраққа амандық, береке және бақ-береке тілейміз!