Шымкент қаласының мемлекеттік еңбек инспекциясы басқармасының басшысы Бауыржан Қалжанов, Шымкент қаласының кәсіподақтар орталығының аумақтық кәсіподақтар бірлестігінің төрағасы Бауыржан Әлтеевпен бірлесіп, Zoom платформасы арқылы КЭММ – 2030 ЖШС-нің қызметкерлерімен онлайн семинар-кеңес өткізді. Семинарда: өндірістегі еңбек қауіпсіздігі, жалақы қарыздарын болдырмау, ұжымдық пен еңбек шарттарын жасасу, еңбек заңнамасына енгізілген өзгерістер туралы және еңбек шарттарын enbek.kz порталына тіркеу міндетті екендігі, сондай-ақ еңбекті қорғау саласындағы қазіргі проблемалар және оны шешу бойынша қабылданған шаралармен ақпараттандыру бойынша түсіндірме жұмыстары жүргізілді.