«Еңбек шарты және азаматтық-құқықтық сипаттағы шарттар: жасасу тәртібі, тәуекелдер және бұзушылықтардың салдары»

Семинарды еңбек жөніндегі бас мемлекеттік инспектор Сеитова Г.С. жүргізді.

Іс-шара барысында қатысушыларға келесі мәселелер егжей-тегжейлі түсіндірілді:

• еңбек шартын рәсімдеу кезінде талап етілетін міндетті құжаттар тізбесі;
• еңбек шартының мазмұны мен құрылымы;
• еңбек заңнамасын бұзғаны үшін жұмыс берушілердің әкімшілік жауапкершілікке, соның ішінде қамауға алыну жағдайлары;
• еңбек шартын бұзу негіздері мен тәртібі;
• жұмыстан босатылған кезде қызметкерлерге берілетін кепілдіктер;
• жұмыс берушілер тарапынан жиі кездесетін бұзушылықтар (нақты мысалдар келтірілді);
• азаматтық-құқықтық сипаттағы шарттарды (АҚШ) жасасуға қатысты нормативтік-құқықтық база;
• АҚШ жасасу кезінде жиі кездесетін қателіктер мен олардың салдары;
• кейбір жағдайларда АҚШ еңбек шарты ретінде танылуы мүмкін жағдайлар.

Семинар барысында еңбек заңнамасын іс жүзінде қолдану, еңбек шарттарын жасасу мен бұзу кезіндегі қателіктерді болдырмау, сондай-ақ қызметкерлердің құқықтарын қорғау мәселелері кеңінен талқыланды.

Осындай іс-шаралар еңбек заңнамасы саласындағы құқықтық сауаттылықты арттыруға, бұзушылықтардың алдын алуға және жұмыс берушілер мен қызметкерлер арасындағы әлеуметтік әріптестікті нығайтуға бағытталған.