ШЫМКЕНТТІК МЕДИЦИНА ҚЫЗМЕТКЕРЛЕРІ — ЖАЛПЫКОМАНДАЛЫҚ ЕСЕПТЕ 1-ШІ ОРЫН!

Шымкент қаласының денсаулық сақтау басқармасына қарасты медицина ұйымдары қызметкерлерінен құралған команда республикалық сайыста топ жарды.
Қостанай қаласында өткен «Спорт нашақорлыққа қарсы» республикалық спартакиадасында Шымкент қаласының медицина қызметкерлерінен құралған құрама команда жалпыкомандалық есепте бірінші орынды жеңіп алды!
Спорт түрлері бойынша нәтижелер:
🥇 Үстел теннисі — І орын
🥇 Тоғызқұмалақ — командалық І орын
🥇 Баскетбол 3×3, қыздар — І орын
🥈 Баскетбол 3×3, ерлер — ІІ орын
🥉 Волейбол — ІІІ орын
Бұл — спортшыларымыздың табандылығы, ұйымшылдығы мен жеңіске деген жігерінің нәтижесі!
Спорттық сайыста топ жарған медицина қызметкерлерін жарқын жеңістерімен құттықтаймыз!